'५ कोटी दिले नाही, तर...'; भाजप नेत्याला जीवे मारण्याची धमकी, राजकीय वर्तुळात खळबळ

समाजसेवक, भाजप नेते रुपा सोहाना यांनी मागील अनेक दिवसांपासून धमक्या मिळू लागल्या आहेत. रुपा सोहाना यांना परदेशातून फोनद्वारे जीवे मारण्याच्या धमक्या दिल्या जात आहेत. त्यांना कॉल करून थेट ५ कोटींची खंडणी मागितली जात आहे. ५ कोटी रुपये नाही दिले तर गंभीर परिणामाला सामोरे जावे लागेल, अशी धमकी मिळाल्याचे रुपा सोहाना यांनी सांगितल.

पंजाबमधील भाजप नेते रुपा सोहाना यांनी बुधवारी मोहाली येथे पत्रकार परिषद घेतली. या पत्रकार परिषदेत सोहाना यांनी सविस्तर माहिती दिली. रुपा सोहाना म्हणाले, 'भाजपमध्ये प्रवेश केल्याने धमक्या मिळणे सुरू झालं आहे. माझा फोन बंद केल्यानंतर आरोपींनी माझा नगरसेवक मित्र आणि त्याच्या पत्नीच्या नंबरवरून धमक्या मिळणे सुरू झालं आहे. त्यांनी राणा बलाचौरिया आणि चिन्नी कुब्बाहेडी सारखे हाल करण्याची धमकी दिली'.

रुपा सोहाना यांनी म्हटलं की, 'वरिष्ठ पोलिसांना ३१ मार्चपर्यंत सुरक्षेसाठी एकत्र पत्र लिहिलं होतं. त्यानंतर एक पोलीस कर्मचारी सुरक्षेसाठी पाठवण्यात आला. परंतु १० दिवसानंतर पोलिसांची सुरक्षा पुन्हा हटवण्यात आली. त्यामुळे आणखी चिंता वाढली आहे'.

रुपा यांनी पुढे म्हटलं की, 'मी सर्वसामान्य माणूस आहे. प्रॉपटी एजंन्ट म्हणून देखील काम करतो. कब्बडी खेळाला प्रोत्साहन मिळण्यासाठी काम करतो. मी अनेकदा जिल्ह्यातील वरिष्ठ पोलिसांना सुरक्षेसाठी मागणी केली. परंतु फारशी दखल घेण्यात आली नाही. या धमक्यामुळे कुटुंब घाबरलं आहे'.