नराधमाचे हैवानी कृत्य, अपहरण करून ६ वर्षाच्या चिमुकलीवर बलात्कार, नाक,तोंड अन् प्रायव्हेट पार्टमधून...

बिहारमध्ये दिवसेंदिवस गुन्हेगारी घटनांमध्ये वाढ होत असल्याचं चित्र आहे. अशातच आणखी एका घटनेमुळे परिसरात खळबळ उडाली आहे. एका सहा वर्षांच्या मुलीवर बलात्कार करण्यात आला. नंतर तिची निर्घृण हत्या करण्यात आली. मिळालेल्या माहितीनुसार, बुधवारी सकाळी घरापासून सुमारे एक किलोमीटर अतंरावर असलेल्या अगिआंव स्थित रस्तेच्या कडेला असलेल्या कालव्यात तिचा मृतदेह सापडला.

धक्कादायक म्हणजे तिच्या तोंडातून, नाकातून आणि गुप्तांगातून रक्त वाहत होते. यावरून चिमुकलीवर बलात्कार नंतर तिची निर्घृण हत्या केली असल्याची माहिती समोर आली आहे. मिळालेल्या माहितीनुसार, ही संतापजनक घटना गडहनी पोलीस स्टेशन परिसरातील एका गावात घडली आहे. पीडित मुलीच्या आईच्या जबाबावरून, पवना पोलीस ठाण्याच्या हद्दीतील दहाडी टोली येथील रहिवासी मुकेश कुमार नावाच्या तरूणाविरूद्ध एफआयआर दाखल करण्यात आला आहे.

बुधवारी ही घटना उघडकीस आल्याने ग्रामस्थ संतप्त झाले. स्टेशन हाऊस ऑफिसर कमलजीत सांनी सांगितलं की, पीडित मुलगी मंगळवारी रात्रीपासून बेपत्ता होती. कुटुंबाच्या अर्जावरून गुन्हा करण्यात आला. कुटुंबाला चिमुकलीवर आधी बलात्कार नंतर खून झाल्याचा संशय आहे. पोलिसांनी आरोपीला ताब्यात घेण्यासाठी परिसरात छापे टाकले आहेत. पीडितेच्या शवविच्छेदन अहवालानंतर पुढील कारवाई केली जाईल, असं पोलिसांनी सांगितलं.

मिळालेल्या माहितीनुसार, मृत मुलगी तिच्या भावा - बहिणींमध्ये सर्वात लहान असल्याचे सांगण्यात येत आहे. आई आणि वडील दोघेही कामगार आहेत. या घटनेनंतर घरात तसेच परिसरात शोककळा पसरली आहे.