दीपऊ मोड येथे भरधाव ट्रकने ८ हून जास्त दुचाकींना आणि ई-रिक्शाला धडक
अपघातात ५ जणांचा जागीच मृत्यू, तर डझनभर लोक गंभीर जखमी
संतप्त नागरिकांनी अपघातानंतर दिल्ली–काठमांडू हायवे रोखला
जखमींना तातडीने रुग्णालयात हलविण्यात आलेत
बिहारच्या मोतिहारीमध्ये एक धक्कादायक घटना घडली आहे. एका भरधाव ट्रकने आठहून अधिक दुचाकी आणि एक ई-रिक्षाला जोरदार धडक दिली. या अपघातात ५ जणांचा जागीच मृत्यू झाला. तर एक डझनहून अधिक लोक गंभीर जखमी झाले. या अपघाताने सर्वत्र खळबळ उडाली.
अपघातात ५ जणांचा मृत्यू झाल्यानंतर उपस्थित लोकांनी संताप व्यक्त केला. यावेळी संतप्त लोकांचा यावेळी पोलिसांशी देखील वाद झाला. अपघातानंतर वाहनांच्या रस्त्यावर लांबच लांब रांगा लागल्या.
मिळालेल्या माहितीनुसार, बिहारच्या कोटवा येथील दीपऊ मोड या भागात अपघात झाला. आज रविवारी साडेबारा वाजण्याच्या सुमारास हा अपघात झाला. रस्ता ओलांडण्यासाठी उभ्या असलेल्या दुचाकीस्वारांना भरधाव ट्रकने धडक दिली. यामध्ये ई-रिक्षा, पादचारी यांचाही समावेश आहे.
भरधाव ट्रकने डिव्हायडरला धडक देत पाच जणांना चिरडलं. तर ट्रकने चिरडले गेल्याने काही जण जखमी झाले. अपघातानंतर लोकांची एकच आरडाओरड झाली. या अपघातात जखमींना तातडीने रुग्णालयात दाखल करण्यात आलं. तर अपघातानंतर भडकलेल्या लोकांनी दिल्ली-काठमांडू हायवे रोखला. यावेळी स्थानिक आणि पोलिसांशी बाचाबाची झाली.
रस्त्यावरील अपघात कुठे झाला?
बिहारच्या मोतिहारी जिल्ह्यातील कोटवा-दीपऊ मोड येथे अपघात झाला.
अपघातात किती लोकांचा मृत्यू झाला?
या भीषण अपघातात ५ जणांचा जागीच मृत्यू झाला.
अपघात नेमका कसा झाला?
रस्ता ओलांडण्यासाठी थांबलेल्या दुचाकीस्वारांना भरधाव ट्रकने जोरदार धडक दिली. त्यानंतर झालेल्या अपघातात ५ जणांचा अपघाती मृत्यू झाला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.