Rapido Bike Driver Slap प्रकरणात मोठा ट्विस्ट! आधी तिने माझ्यावर हात उचलला अन् म्हणाली...; बाईकचालकाने सांगितला घटनाक्रम

Bengaluru News : रॅपिडो बाईकचालकाने महिलेच्या कानशिलात लगावल्याचा व्हिडीओ व्हायरल झाला होता. या प्रकरणावर बाईकचालकाने प्रतिक्रिया दिली आहे. महिला प्रवासीने आधी मला मारहाण केली होती असे बाईकचालकाने म्हटले आहे.
Rapido Bike Driver Viral Video
Rapido Bike Driver Viral Videox
Published On

सोशल मीडियावर एक व्हिडीओ प्रचंड व्हायरल होत आहे. या व्हिडीओमध्ये एक रॅपिडो बाईकचालक महिला प्रवासीच्या कानशिलात लगावत असल्याचे पाहायला मिळते. हा व्हिडीओ व्हायरल झाल्यानंतर रॅपिडो बाईकचालकाच्या विरोधात गुन्हा दाखल करण्यात आला. या प्रकरणात नवा ट्विस्ट आला आहे. रॅपिडो चालक सुहासने या प्रकरणावर प्रतिक्रिया दिली आहे. महिलेने प्रथम मला मारले होते, माझ्यावर हल्ला केला होता. त्यानंतर मी स्वसंरक्षणार्थ प्रतिक्रिया दिली, असे सुहासने म्हटले आहे.

Rapido Bike Driver Viral Video
Rapido Bike Driver : बाईक इतकी फास्ट का चालतोयस? महिला प्रवाशाच्या प्रश्नांमुळे रॅपिडोचालकाचा संताप, जोरात कानशिलात लगावली अन्...

रॅपिडो ड्रायव्हर सुहासने काय म्हटले?

सुहास म्हणाला, मी त्या दिवशी सकाळी ९ वाजता त्या महिलेला घराबाहेरुन पिकअप केले होते. राईड सुरु झाल्यानंतर मला घाईत ऑफिसला पोहोचायचे आहे असे तिने मला सांगितले. तिला ऑफिसला जायला उशीर होऊ नये यासाठी मी तिला जयनगरपासून एका छोट्या रस्त्याने घेऊन जात होतो. त्याच दरम्यान एक कार आमच्यासमोर आली आणि मला अचानक ब्रेक दाबून बाईक थांबवावी लागली.

Rapido Bike Driver Viral Video
Air India : एसी बंद झाला, लहान मुलं रडायला लागली; विमान टेकऑफ होण्याआधी नेमकं काय झालं? पाहा व्हायरल व्हिडीओ

आम्ही तिच्या ऑफिसपासून १०० मीटर लांब होते. बाईक थांबवल्यानंतर तिने मला ओरडण्यास सुरुवात केली. तुझं शिक्षण किती झालंय? तुला बाईक कशी चालवायची हे माहीत आहे का? असे म्हणत तिने ओरडू लागली. तुम्हाला घाई असल्याने शॉर्टकट घेतला हे मी सांगण्याचा प्रयत्न करत होतो, पण तिने मला बोलूच दिले नाही.

Rapido Bike Driver Viral Video
Ahmedabad Plane Crash : विमान खाली कोसळले अन् आग भडकली, विमान अपघातात कसा वाचला विश्वास कुमार रमेश? पाहा नवा थरारक व्हिडीओ

रागाच्या भरात 'तू तुझ्या राज्यात परत जा', असे ती म्हणाली. राईडचे ७७ रुपये द्यावे लागतील असे मी म्हटले. त्यावरही ती सतत ओरडू लागली. मग तिने माझ्यावर हात उचलला. तिने टिफिन बॉक्सने देखील माझ्यावर हल्ला केला. मी शांत राहण्याचा प्रयत्न केला. पण तिने दोनदा कानशिलात मारल्यानंतर मी स्वसंरक्षणार्थ प्रतिक्रिया दिली. तेथे जमलेल्या लोकांना मी परिस्थिती समजावून सांगितली.

Rapido Bike Driver Viral Video
Pune Bridge Incident : पुण्यात जोरदार पाऊस, कुंडमळानंतर आणखी एक पूल वाहून गेला; परिसरात मोठी खळबळ

रॅपिडो चालकाने महिलेच्या कानशिलात लगावल्याचा व्हिडीओ सोशल मीडियावर व्हायल झाला. त्यानंतर पोलिसांनी चालकाविरुद्ध गुन्हा दाखल केला. सोमवारी (१६ जून) महिला जयनगर पोलीस ठाण्यात हजर झाली. तिने चालकाच्या विरोधात तक्रार नोंदवली. या प्रकरणी पोलिसांनी रॅपिडो चालक सुहासला ताब्यात घेतले आहे.

Rapido Bike Driver Viral Video
Pune Rain : पुण्यात पावसाचा कहर! रस्ते जलमय, शेवटी जेसीबीनेच काढावे लागले साचलेले पाणी; नागरिकांचा संताप

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com