Shocking : ३५ वर्षीय IT इंजिनीयरची राहत्या घरी आत्महत्या;धक्कादायक कारण आलं समोर

Bengaluru IT Engineer’s Suicide Over Harresment बेंगळुरूमध्ये एका ३५ वर्षीय आयटी इंजिनियरने राहत्या घरी गळफास घेऊन आत्महत्या केली असल्याची धक्कादायक घटना घडली आहे. मृत महिलेच्या माहेरच्या मंडळींनी केलेल्या आरोपानुसार, सासरच्या छळाला कंटाळून महिलेने आत्महत्या केली असल्याचा संशय व्यक्त करण्यात आला आहे. याप्रकरणी पोलिसांनी सासरच्या मंडळींविरोधात गुन्हा दाखल केला आहे.

मिळालेल्या माहितीनुसार, पीडित महिलेचे नाव सुषमा असे आहे. मृत महिलेचे पाच वर्षांपूर्वी पुनीत कुमारशी लग्न झाले होते आणि या जोडप्याला चार वर्षांचा मुलगा आहे. घरात किरकोळ कारणांवरून वारंवार वाद होत होते. मंगळवारी सुषमा आणि तिच्या सासू कल्पना यांच्यात जेवण बनवण्यावरून वाद झाला.

सुषमाच्या माहेरच्या कुटुंबीयांनी असा आरोप केला आहे की, तिची सासू तिला स्वयंपाक करू देत नव्हती आणि विविध मुद्द्यांवरून तिला त्रास देत होती. याशिवाय सुषमाच्या कुटुंबीयांनी हुंडा मागितल्याचाही आरोप केला आहे.

सासरच्या छळाला कंटाळलेल्या सुषमाने अखेर टोकाचं पाऊल उचललं. सुषमाने राहत्या घरी गळफास घेत आत्महत्या केली. या घटनेने मृत महिलेच्या कुटुंबियांवर दुःखाचा डोंगर कोसळला असून चार वर्षांचा मुलगा आईच्या मायेला पोरका झाला आहे. दरम्यान या घटनेने परिसरात खळबळ उडाली आहे.