Crime: बॉयफ्रेंडच्या समोर तरुणीवर सामूहिक बलात्कार, कार अडवून आधी दोघांना मारहाण, नंतर...

Summary -

• बॉयफ्रेंडच्या समोर तरुणीवर सामूहिक बलात्कार

• आसामच्या कछार जिल्ह्यातील सिलचर येथे घडली घटना

• सात आरोपींविरोधात गुन्हा दाखल

• दोन आरोपींना पोलिसांनी केली अटक

बॉयफ्रेंडच्या डोळ्यासमोर एका तरुणीवर ७ जणांनी सामूहिक बलात्कार केल्याची धक्कादायक घटना घडली. आसामच्या कछार जिल्ह्यात ही हादरवून टाकणारी घटना घडली. २८ वर्षीय तरुणी बॉयफ्रेंडसोबत फिरण्यासाठी गेली होती. त्यावेळी ही भयंकर घटना घडली. या प्रकरणी पोलिसांनी सातही आरोपींविरोधात गुन्हा दाखल केला आहे. दोन आरोपींना पोलिसांनी अटक केली. तर उर्वरीत फरार आरोपींचा शोध घेतला जात आहे.

मिळालेल्या माहितीनुसार, कछार जिल्ह्यातल्या सिलचर येथे ही घटना घडली. पीडित तरुणी आपल्या बॉयफ्रेंडसोबत फिरण्यासाठी कारने बायरपास रोडवर गेली होती. त्याठिकाणी ते कार रस्त्याच्या कडेला उभे राहून थांबले होते. त्याचवेळी काही तरुण त्याठिकाणी एका कारमधून आले. त्यांनी तरुणी आणि तिच्या बॉयफ्रेंडला आधी मारहाण केली. त्यानंतर तरुणीवर त्यांनी आळीपाळीने बलात्कार केला. ऐवढ्यावरच आरोपी थांबले नाही तर त्यांनी पीडितेच्या बँक खात्यातून १० हजार रुपये जबरदस्ती ट्रान्सफर करून घेतले. त्यानंतर आरोपींनी घटनास्थळावरून पळ काढला.

या घटनेनंतर घाबरलेल्या पीडित तरुणीने पोलिस ठाण्यात धाव घेत तक्रार दाखल केली. पोलिसांनी सातही आरोपींविरोधात गुन्हा दाखल करत त्यांचा शोध सुरू केला. पोलिसांनी आतापर्यंत दोघांना अटक केली. तर इतर ५ जणांचा शोध घेतला जात आहे. या घटनेमुळे आसाममध्ये खळबळ उडाली. आरोपींविरोधात कडक कारवाई करण्यात यावी अशी मागणी केली जात आहे.