Andhra Pradesh Accident: दोन ट्रक, बसचा भीषण अपघात, ६ जणांचा जागीच मृत्यू; २० जखमी

Andhra Pradesh Accident:

आंध्रप्रदेशमधून एक भीषण अपघाताची घटना समोर आली आहे. आंध्रप्रदेशच्या नेल्लोर जिल्ह्यामध्ये बस आणि ट्रकचा भीषण अपघात झाला. या अपघातात ६ जणांचा जागीच मृत्यू झाला असून २० जण गंभीर जखमी झालेत. अपघातातील जखमींवर सध्या रुग्णालयात उपचार सुरू आहेत.

याबाबत सविस्तर माहिती अशी की, आंध्र प्रदेशातील (Andhra Pradesh) नेल्लोर जिल्ह्यात एक भीषण अपघाताची घटना घडली. जिल्ह्यातील मुसुनुरु टोल प्लाझा येथे ट्रक आणि बसची धडक झाली. या अपघातात 6 जणांचा मृत्यू झाला असून 20 जण जखमी झाले आहेत. मिळालेल्या माहितीनुसार, हा अपघात रात्री 2 वाजता श्रीकालहस्तीकडे जाणाऱ्या दोन बैलांना घेऊन जाणाऱ्या ट्रकला लोखंडी वाहतूक करणाऱ्या दुसऱ्या ट्रकने मागून धडक दिल्याने हा अपघात झाला.

अपघातानंतर लोखंड घेऊन जात असलेल्या ट्रक चालकाचे गाडीवरील सुटले आणि थेट पलिकडून येणाऱ्या एका खासगी बसला धडक दिली. या धडकेत ६ जणांचा मृत्यू झाला तर २० जण जखमी झालेत. अपघातातील जखमींवर सध्या रुग्णालयात उपचार सुरू आहेत.

काश्मिरमध्ये अपघात...

दरम्यान, जम्मू-काश्मीरमधील उधमपूर जिल्ह्यात कार आणि ट्रकमध्ये अपघात झाल्याचीही मोठी घटना समोर आली आहे. या अपघातात एकाच कुटुंबातील चार जणांचा मृत्यू झाला तर एक मुलगी जखमी झाली तिच्यावर रुग्णालयात उपचार सुरू आहेत. जम्मू-श्रीनगर महामार्गावरील टिकरीजवळ हा अपघात झाला. (Latest Marathi News)

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)