बुस्टर डोसबाबत आरोग्य मंत्र्यांची महत्वाची माहिती

नवी दिल्ली : परदेशात जाणारे नागरिक आणि विद्यार्थी आवश्यक्तेनूसार बुस्टर डोससाठी पात्र आहेत. ही माहिती केंद्रीय आरोग्यमंत्री मनसुख मांडविया यांनी ट्विट (Tweet) करुन दिली. "परदेशात प्रवास करणारे भारतीय नागरिक आणि विद्यार्थी आता त्या देशांच्या मार्गदर्शक तत्त्वांनुसार बुस्टर डोस घेऊ शकतात." १८ वर्षांपेक्षा जास्त वयाचे सर्वजण, ज्यांनी दुसरा डोस घेऊन नऊ महिने पूर्ण झाले आहेत. ते बुस्टर डोस (Vaccine) घेण्यास पात्र आहेत, असं त्यांनी ट्विटमध्ये म्हटले आहे.

या अगोदर सल्लागार समितीने शिफारस केली होती. यात ज्यांना परदेशात जाण्याची गरज आहे, त्यांनी नऊ महिन्यांच्या अंतरापूर्वी, ते ज्या देशात प्रवास करत आहेत, त्या देशाच्या नियमांनुसार लसीचे (Vaccine) बुस्टर डोस घेऊ शकतात.

या मुद्द्यावर याअगोदरही चर्चा करण्यात आली होती. ज्यांना परदेशात प्रवास करण्याची आवश्यकता आहे त्यांनी नऊ महिन्यांच्या प्रतीक्षा कालावधीपूर्वी बुस्टर डोस घेऊ शकता, अशी एनटीएजीआय'ने शिफारस केली आहे. सरकारी आकडेवारीनुसार देशातील अजूनही काहीच लोकांनी कोरोना लसीचा बुस्टर डोस घेण्याची इच्छा व्यक्त केली. तर सरकारने १८ वर्षांपेक्षा जास्त वयाच्या सर्व नागरिकांना बुस्टर डोस घेण्याची परवानगी दिली आहे.