Pyari Didi Yojana: लाडकी बहीणनंतर लाडकी ताई...; महिलांना दरमहिना मिळणार 2500 रुपये, कशी असेल ही योजना?

दिल्ली विधानसभा निवडणुकीच्या आधी काँग्रेसने मोठी घोषणा केली आहे. काँग्रेसने त्यांच्या जाहीरनाम्यात प्यारी दीदी योजना सुरु करण्याचे आश्वासन दिले आहे. या योजनेत महिलांना दर महिन्याला २५०० रुपये मिळणार आहे. काँग्रेस जर दिल्ली विधानसभा निवडणुक जिंकली तर राज्यातील महिलांना पैसे दिले जाणार आहेत. (pyari didi yojana)

दिल्लीच्या विधानसभा निवडणुका लवकरच होणार आहे. त्याच पार्श्वभूमीवर विविध पक्ष जाहिरनामा जाहीर करत आहे. यामध्ये निवडून आल्यानंतर पुढच्या पाच वर्षात काय कामे करणार, याबाबत माहिती दिलेली असते. आज काँग्रेसने आपला जाहीरनामा प्रकाशित केला आहेत. त्यात महिलांसाठी खास योजना राबवण्याचे आश्वासन दिले आहे. काँग्रेस सरकार निवडून आल्यानंतर प्यारी दीदी योजना राबवणार आहे. या योजनेत महिलांना दर महिन्याला २५०० रुपये दिले जाणार आहे.(pyari didi yojana By Congress)

याआधीही आप पक्षाने महिलांसाठी खास योजना राबवणार असल्याचे आश्वासन दिले होते. दिल्ली सरकार मुख्यमंत्री महिला सन्मान योजना राबवणार असल्याचे सांगितले आहे. या योजनेत महिलांना १००० रुपये दिले जाणार आहेत. दरम्यान, आप पक्षाच्या जाहिरनाम्यानंतर आता काँग्रेसनेही महिलांना २५०० रुपये देण्याची घोषणा केली आहे.

महाराष्ट्र सरकारची लाडकी बहीण योजना (Ladki Bahin Yojana)

महाराष्ट्र सरकारने विधानसभा निवडणुकीआधी लाडकी बहीण योजना राबवली होती. या योजनेत महिलांना दर महिन्याला १५०० रुपये मिळतात. महाराष्ट्रानंतर मध्य प्रदेश सरकारनेदेखील महिलांसाठी योजना राबवली आहे. आता दिल्लीतदेखील महिलांसाठी खास योजना सुरु करण्यात येणार आहे.