China Fire Accident : चीनमधून एक धक्कादायक बातमी समोर आली आहे. चीनच्या हेनान प्रांतातील एका कारखान्याला भीषण आग लागली. या आगीत तब्बल ३६ कामगारांचा होरपळून मृत्यू झाला. तर दोन जण गंभीर जखमी झाले. सोमवारी दुपारी चार वाजेच्या सुमारास ही घटना घडली. दरम्यान, आगीची माहिती मिळताच, स्थानिकांसह अग्निशमन दलाच्या जवानांनी घटनास्थळी धाव घेतली. 200 हून अधिक कर्मचारी आणि सुमारे 60 अग्निशमन दल याच्या मदतकार्यात गुंतले होते.
200 हून अधिक कर्मचारी आणि सुमारे 60 अग्निशमन दल याच्या मदतकार्यात गुंतले होते. आग इतकी भयंकर लागली होती, की ती आटोक्यात आणण्यासाठी कित्येक तास लागले. चिनी प्रसारमाध्यमांनी दिलेल्या माहितीनुसार, या घटनेत आतापर्यंत ३६ कामगारांचा होरपळून मृत्यू झाला. तर दोन जण गंभीर जखमी झाले. जखमींना तातडीने उपचारासाठी रुग्णालयात दाखल करण्यात आलं आहे.
दरम्यान, चीनमध्ये आग लागल्याच्या घटना काही नवीन नाही. सप्टेंबर महिन्यातही चीनमधील एका उंच इमारतीला भीषण आग लागली होती. मिळालेल्या माहितीनुसार, चीनमधील सरकारी मालकीची दूरसंचार कंपनीला ही आग लागली होती. चायना टेलिकॉमच्या इमारतीला लागलेल्या या आगीचा व्हिडीओ तुफान व्हायरल झाला होता. चांगशा ही हुनान प्रांताची राजधानी आहे, जिथे सुमारे 10 मिलियन लोक राहतात.
Edited By - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.