West Bengal : आई बाबांना घरात ठेवले कोंडून; ५ व्या मजल्यावरून घेतली खाली उडी; प्रसिद्ध यूट्यूबरच्या कृत्याने नेटकरी चिंतेत

West Bengal : पश्चिम बंगालमधून एक धक्कादायक घटना समोर आली आहे. एका मुलीने आपल्या आईवडीलांना घरात कोंडून घराच्या पाचव्या मजल्यावरून खाली उडी घेतली आहे. यात मुलगी गंभीर जखमी झाली असून तिच्यावर आरजी कार रुग्णालयात उपचार सुरू आहेत. सदर घटनेने परिसरात एकच खळबळ उडाली आहे. आत्महत्येचा प्रयत्न केलेली ही मुलगी एक यूट्यूबर असल्याचे समजले आहे. (Latest Marathi News)

मिळालेल्या माहितीनुसार, सोदपूर पीअरलेस नगर भागात मुलगी तिच्या आई वडीलांसह राहते. त्यांच्यात काही कारणावरून वाद झाल्याने मुलीने आई बाबांना बेडरुममध्ये बंद केले आणि ५ मजल्यावरील घरातून खाली उडी घेतली. सोमवारी ही धक्कादायक घटना घडली आहे. सुरूवातीला तिला प्रथम सागर दत्त वैद्यकीय महाविद्यालय रुग्णालयात दाखल करण्यात आले होते. मात्र पररिस्थिती चिंताजनक असल्याने तिला आरजी कार रुग्णालयात दाखल केले.

शेजारील व्यक्तींनी दिलेल्या माहितीनुसार, किशोरी असे या मुलीचे नाव असून तिचे वय १४ आहे तसेच ती इयत्ता ९वीमध्ये शिकत आहे. ती एक यूट्यूबर आहे. शेजारच्या व्यक्तींनी सांगितले की ती नेहमी सोशल मीडियावर रील व्हिडिओ बनवते. तसेत तिच्या यूट्यूब अकाउंटवर देखील ती पोस्ट व्हिडिओ पोस्ट करत असते. सोमवारी तिने आई (Mother) बाबांना खोलीत बंद केले. तिचे आणि तिच्या आई वडीलांचे रात्री भांडण झाले होते असे शेजारच्यांनी सांगितले आहे.

मुलीच्या घरातून तिच्या आई बाबांचा मोठ्याने ओरडण्याचा आवाज आल्याने शेजारच्या एका महिलेने धावत जाऊन दरवाजा उघडला तेव्हा ते दोघेही घराच्या दिशेने धावत गेले. मात्र तोपर्यंत किशोरीने खाली उडी मारली होती. या घटनेने परिसरात एकच खळबळ उडाली आहे. पोलिसांनी देखील झालेल्या प्रकाराची नोंद केली असून मुलीने आत्महत्या नेमकी कोणत्या कारणास्तव केली याची चौकशी पोलीस (Police) करत आहेत.