INS Vikrant News : INS विक्रांतवर नौसेनिकाचा मृतदेह सापडला, तपास सुरु

INS Vikrant News : नौदलाच्या INS विक्रांत या जहाजावर 19 वर्षीय नौसैनिकाचा मृतदेह संशयास्पदरित्या अवस्थेत आढळून आला आहे. नौसैनिक अग्निवीर नसून नौदलाचा कायमस्वरूपी केडर होता. गुरुवारी INS विक्रांतवर ही घटना उघडकीस आली आहे.

प्रथमदर्शनी हे आत्महत्येचे प्रकरण असल्याचे संरक्षण विभागाकडून सांगण्यात आले आहे. त्याबाबत चौकशीचे आदेश देण्यात आले आहेत. अविवाहित नौसेनिक बिहारमधील मुझफ्फरपूर येथील रहिवासी होता. स्थानिक पोलिसांनी या प्रकरणी नोंद करुन तपास सुरु केला आहे. (Latest Marathi News)

अधिकाऱ्यांनी सांगितले की, गुरुवारी युद्धनौकेच्या एका भागात नौसेनिकाचा मृतदेह लटकलेला आढळला. या प्रकरणाच्या चौकशीचे आदेश नौदलाला देण्यात आले आहेत. विमानवाहू युद्धनौका सध्या कोची येथे आहे.

या प्रकरणाची चौकशी करण्यासाठी चौकशी समिती स्थापन करण्याचे आदेश देण्यात आले आहेत. याप्रकरणी स्थानिक पोलीस ठाण्यात गुन्हा दाखल करण्यात आला आहे.