9/11 अमेरिकेच्या इतिहासातील काळा दिवस; अजूनही जखमा ताज्या

11 सप्टेंबर 2001 रोजी अमेरिकेत झालेल्या दहशतवादी (America Terrorist Attack) हल्ल्याने संपूर्ण जग थक्क झाले होते. दहशतवाद्यांनी थेट जगातील महासत्ता असलेल्या अमेरिकेली टक्कर दिली होती. या भीषण दहशतवादी हल्ल्यामुळे अनेक निष्पाप लोकांना आपले प्राण गमवावे लागले आणि अमेरिकेला मोठे आर्थिक नुकसान सहन करावे लागले होते. लोक दीर्घ काळापासून या शोकांतिकेच्या भीतीला सामोरे जात आहेत, तर या हल्ल्यात आपल्या जिवाची बाजी लावून लढणारे सैनिक अजूनही गंभीर आजाराशी झूंझ देत आहेत.

या हल्ल्याशी संबंधित आजारांमुळे आतापर्यंत 250 फायटर्सना आपले प्राण गमावावे लागले आहे. अग्निशमन आयुक्त डॅनियल निग्रो यांनी नुकत्याच दिलेल्या निवेदनात म्हटले आहे की 11 सप्टेंबर 2001 रोजीच आम्ही 343 फायटर्स गमावले होते. त्याच वेळी, त्याच्याशी संबंधित आजारांमुळे 250 सदस्य आम्हाला सोडून गेले आहेत.

2002 ते 2010 दरम्यान 52 सदस्यांना या अपघातांशी संबंधित आजारामुळे आपले प्राण गमवावे लागले होते. 2011 ते 2015 या कालावधीत 78 सदस्यांना आपले प्राण गमावावे लागले होते. दहशतवादी संघटना अल कायदाने चार अमेरिकन विमाने हायजॅक केले, त्यातले दोन विमाने वर्ल्ड ट्रेड सेंटरच्या ट्विन टॉवर्सला धडकले, तर तिसरे विमान वॉशिंग्टन डीसीच्या बाहेर पेंटागॉनला आणि चौथे विमान पेनसिल्व्हेनियातील शेतात कोसळले.

हजारो लोकांना आपला जीव गमवावा लागला

9/11 च्या दुर्घटनेत तीन हजारांहून अधिक लोकांना आपले प्राण गमवावे लागले होते. अग्निशमन दलाचे सुमारे 400 पोलिस आणि सुरक्षा कर्मचारीही यामध्ये सहभागी होते. हल्ल्यात ठार झालेल्यांमध्ये विमान अपहरणकर्त्यांसह जगातील विविध देशांतील 372 लोक तसेच 77 देशांचे नागरिक होते. या हल्ल्यांमध्ये सुमारे 3,000 नागरिक आणि 19 अपहरणकर्ते मारले गेले. न्यूयॉर्क राज्य आरोग्य विभागाच्या म्हणण्यानुसार जून 2009 पर्यंत अग्निशामक आणि पोलिस कर्मचाऱ्यांसह 836 आपत्कालीन कामगार ठार झाले आहेत. वर्ल्ड ट्रेड सेंटरवरील हल्ल्यात ठार झालेल्या 2,752 बळींपैकी 343 अग्निशामक आणि न्यूयॉर्क शहर आणि बंदर प्राधिकरणाचे 60 पोलिस अधिकारी होते. पेंटागॉनवरील हल्ल्यात 184 लोक मारले गेले. 70 देशांतील नागरिकांसह मोठ्या संख्येने नागरिक जखमी झाले.

Edited By: Pravin Dhamale