जियेंगे भी साथ मै और मरेंगे भी साथ मे; दोन जीवलग मित्रांचा गायीला वाचवतानाच मृत्यू

वृत्तसंस्था : मध्य प्रदेशच्या राजगढमध्ये रस्ते अपघातामध्ये २ तरुणांचा मृत्यू झाला आहे. या अपघातामध्ये एक जण गंभीर जखमी झाला आहे. अपघातानंतर दोन्ही मित्रांनी एकमेकांचा हात घट्ट धरून ठेवला, तर कार चालवत असलेल्या मित्राने उडी मारून जीव वाचवला आहे. रस्त्यावर असलेल्या गायींना वाचवत असताना कारवरील नियंत्रण सुटल्यामुळे हा अपघात घडला आहे.

हे देखील पहा-

२ हिंदुत्ववादी नेते लखन नजर आणि लेखराज त्यांचा मित्र राहुल जोशीबरोबर कारने खुजनेर रोडवरून जात असतानाच. तितक्याच समोर काही गायी आले होते. त्या गायींना वाचवण्याकरिता राहुलने कारची दिशा बदलली होती. मात्र, त्यावेळी त्याचे कारवरील नियंत्रण सुटल्याने, कार उलटली आणि एका विहिरीत पडली आहे. यामध्ये २ जीवलग मित्रांचा मृत्यू झाला आहे. जवळपास ४ तासांनंतर त्यांचे मृतदेह बाहेर काढण्यात यश आले आहे.

यावेळी दोघांचे हात एकमेकांच्या खांद्यावर होते. मरणानंतरही देखील एकमेकांची साथ न सोडलेल्या २ मित्रांना बघून उपस्थितांचे डोळे पाणावले आहेत. लखन नेजर आणि लेखराज सकाळपासून रात्रीपर्यंत सोबत राहत असायचे, अशी माहिती त्यांचा मित्र सुनील नागरने दिली आहे. लखन आणि लेखराज दिवसभर सोबत असायचे. त्यांचे खाने-पिणे एकत्र असायचे. दोघांची मैत्री अतिशय घट्ट होती.

आम्ही सोबत जगू आणि सोबतच मरू, असे दोघे देखील म्हणायचे. त्यांचे हे शब्द अखेर खरे ठरले आहे, असे नागरने सांगितले आहे. लखन आणि लेखराज दोघे देखील विद्यार्थी नेते होते. विद्यार्थी परिषदेचे जिल्हा संयोजक म्हणून त्यांनी काम बघत होते. तिथेच दोघांची मैत्री झाली. राजगढमध्ये कुठेही जखमी अवस्थेत गोवंश आढळून आल्यास दोघे देखील तातडीने तिथे पोहोचून उपचार करायचे. मात्र, त्याच गोवंशाला वाचवत असताना त्यांचा मृत्यू झाल्यानं हळहळ व्यक्त होत आहे.

Edited By- Digambar Jadhav