President Droupadi Murmu: माझ्यासाठी सार्वजनिक हित सर्वोपरी: राष्ट्रपती द्रौपदी मुर्मू

देश स्वातंत्र्याचा अमृतोत्सव साजरा करत आहे. ही जबाबदारी माझ्यासाठी खूप मोठा बहुमान आहे. सर्वोच्च पद बहाल केल्याबद्दल धन्यवाद.

राष्ट्रपती द्रौपदी मुर्मू आपल्या भाषणात म्हणाल्या की, मी ओडिशातील एका गावातून जीवन प्रवास सुरू केला आहे. हे पद माझे नाही तर देशातील गरिबांचे कर्तृत्व आहे. लोकशाहीच्या बळावर मी इथंपर्यंत पोहोचली आहे. मला अभिमान वाटत आहे. माझ्यासाठी सार्वजनिक हित सर्वोपरी आहे.

द्रौपदी मुर्मू यांनी संसदेच्या सेंट्रल हॉलमध्ये राष्ट्रपती म्हणून पहिले भाषण केले.

द्रौपदी मुर्मू यांनी भारताचे १५ वे राष्ट्रपती म्हणून शपथ घेतली.

देशाच्या १५ व्या राष्ट्रपती द्रोपदी मुर्मु यांच्या शपथविधीला सुरुवात झाली आहे.

मावळते राष्ट्रपती रामनाथ कोविंद यांच्यासोबत नवनिर्वाचित राष्ट्रपती द्रौपदी मुर्मू संसद भवनात पोहोचल्या. उपराष्ट्रपती व्यंकय्या नायडू, CJI रमणा आणि लोकसभा अध्यक्ष ओम बिर्ला यांनी निवडून आलेल्या राष्ट्रपतींचे स्वागत केले.

मावळते राष्ट्रपती रामनाथ कोविंद आणि नवनिर्वाचित राष्ट्रपती द्रौपदी मुर्मू राष्ट्रपती भवनातून संसदेसाठी निघाले आहेत. मुर्मू लवकरच भारताच्या १५ व्या राष्ट्रपती म्हणून शपथ घेणार आहेत.