Gujarat News : गुजरातमध्ये १२ वर्षीय मुलासह २ तरुणांचा हार्ट अटॅकनं मृत्यू

Gujarat News Update : गुजरातमध्ये एका १२ वर्षीय मुलासह दोन विशी पार केलेल्या तरुणांचा हृदयविकाराच्या तीव्र झटक्याने मृत्यू झाला.
Boy Dies due to Heart Attack in Gujarat / Representative Image
Boy Dies due to Heart Attack in Gujarat / Representative Image SAAM TV
Published On

Boy Dies due to Heart Attack :

बदलती जीवनशैली आणि इतर कारणांमुळं हृदयविकाराच्या झटक्यानं तरुणांच्या मृत्यूचे प्रमाण अलीकडच्या काळात वाढत असतानाच, गुजरातमध्ये एका १२ वर्षीय मुलासह दोन विशी पार केलेल्या तरुणांचा हृदयविकाराच्या तीव्र झटक्याने मृत्यू झाला. देवभूमी द्वारका आणि राजकोट शहरात या घटना घडल्या.

देवभूमी द्वारकातील विजापूर गावात सहावीत शिकणारा १२ वर्षीय दुष्यंतला पहाटे साडेपाचच्या सुमारास अस्वस्थ वाटू लागले. तो बेशुद्धावस्थेत होता, अशी माहिती मिळते. 'टाइम्स ऑफ इंडिया'ने यासंदर्भातील वृत्त दिले आहे.

नेहमीप्रमाणे माझी आई सकाळी लवकर झोपेतून उठली. तिनं दुष्यंतला बघितल्यानंतर धक्काच बसला. त्याचा श्वास सुरू नव्हता. त्याला आम्ही तात्काळ रुग्णालयात नेले. पण तिथं तपासल्यानंतर मृत घोषित केले, असे दुष्यंतचे वडील घनश्याम यांनी सांगितले. दुष्यंतच्या मृत्यूने त्याच्या गावातील लोक, शाळेतील विद्यार्थी आणि शिक्षकांना मोठा धक्का बसला आहे.

राजकोटमध्ये २३ वर्षीय तरूण अचानक खाली कोसळला

राजकोटमध्ये २३ वर्षीय निमितचाही हृदयविकाराच्या झटक्यानं मृत्यू झाला. शास्त्रीनगर-अजमेरा रस्त्यावर एका ठिकाणी तो उभा असताना अचानक त्याच्या छातीत दुखू लागलं. तो जमिनीवर कोसळला. तिथल्या काही नागरिकांनी १०८ क्रमांकावर फोन करून रुग्णावाहिका मागवली. त्याला एका खासगी रुग्णालयात दाखल केले. डॉक्टरांनी तपासणी करून त्याला मृत घोषित केले. हृदयविकाराच्या झटक्याने त्याचा मृत्यू झाल्याचे डॉक्टरांनी सांगितले. (Latest Marathi News)

कोठारिया रोडवरील आनंदनगर कॉलनीत निमित राहत होता. त्याला दोन भाऊ आहेत. निमित सध्या नोकरीच्या शोधात होता. त्याला एका बँकेतून मुलाखतीसाठी बोलावणं आलं होतं. पण तिथं जाण्याआधीच तो मरण पावला. राजकोट तालुका पोलीस ठाण्यात या घटनेची नोंद करण्यात आली आहे.

राजकोट शहरातच अशीच एक दुर्दैवी घटना घडली. २४ वर्षीय जास्मीनचा हृदयविकाराच्या तीव्र झटक्याने मृत्यू झाला. सोमवारी सकाळी सात वाजताच्या सुमारास तो मेहुण्याच्या फॅक्टरीत पोहोचला. तिथं तो अचानक जमिनीवर कोसळला. फॅक्टरीतल्या अन्य कामगारांनी त्याला सरकारी रुग्णालयात नेले. तिथं डॉक्टरांनी त्याला मृत घोषित केले.

Boy Dies due to Heart Attack in Gujarat / Representative Image
Bath In Viral Fever : व्हायरल ताप आल्यावर अंघोळ करणे योग्य की अयोग्य? जाणून घ्या तज्ज्ञांचे मत

मार्च २०२३ : मोरबी जिल्ह्यातील हलवदमध्ये ३१ वर्षीय तरुणाचा हृदयविकाराच्या झटक्याने निधन झाले होते. तो पेशाने ग्रामसेवक होता. क्रिकेटचा सराव करत असताना त्याचा मृत्यू झाला.

मार्च २०२३ : एका खासगी कंपनीत मॅनेजर म्हणून नोकरी करणाऱ्या २६ वर्षीय तरुण हृदयविकाराच्या झटक्याने मरण पावला होता. हलवदमध्येच ही घटना घडली होती. दुचाकीवरच त्याला हृदयविकाराचा झटका आला होता.

६ जून : जामनगरमधील ४१ वर्षीय डॉक्टर गुरंग गांधी यांचेही हृदयविकाराच्या तीव्र झटक्याने निधन झाले होते.

२७ जून : २८ वर्षीय तरूण कल्पेश प्रजापती हा वर्गातच कोसळला. त्याचा जागीच मृत्यू झाला. कल्पेश हा बीटेक आर्किटेक्चरचा विद्यार्थी होता.

१७ जुलै : १२ वीत शिकणारा १७ वर्षीय विद्यार्थी मुदित हा वर्गातच कोसळला आणि तो जागीच मरण पावला. राजकोट शहरात ही घटना घडली होती.

Boy Dies due to Heart Attack in Gujarat / Representative Image
Vitamins A Deficiency : जीवनसत्त्व 'अ' च्या कमतरतेमुळे होऊ शकतात हे गंभीर आजार, जाऊ शकते डोळ्यांची दृष्टी !

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com