Vitamins A Deficiency : जीवनसत्त्व 'अ' च्या कमतरतेमुळे होऊ शकतात हे गंभीर आजार, जाऊ शकते डोळ्यांची दृष्टी !

Vitamin A Deficiency : शरीराला निरोगी ठेवण्यासाठी जीवनसत्त्व व खनिजांची अधिक आवश्यकता असते. परंतु, जर आपल्या शरीरात याची मात्रा पुरेशी नसेल तर आपल्याला अनेक आजारांना सामोरे जावे लागू शकते.

हे देखील पहा -

जीवनसत्त्व क आणि ड च्या कमतरेमुळे आपल्याला होणाऱ्या गंभीर आजारांविषयी माहिती आहे परंतु, जीवनसत्त्व अ च्या कमरतेच्या गंभीर परिणामांबद्दल आपल्याला माहित नाही. आपल्याला चांगल्या दृष्टीसोबत, मजबूत प्रतिकारशक्ती, त्वचेच्या चांगल्या आरोग्यासाठी जीवनसत्त्व अ ची अधिक आवश्यक आहे.

वर्ल्ड हेल्थ ऑर्गनायझेशनच्या मते, रातांधळेपणा हे जीवनसत्व अ च्या कमतरतेच्या पहिल्या लक्षणांपैकी एक आहे. अधिक गंभीर स्वरूपात, जीवनसत्त्व अ च्या कमतरतेमुळे डोळ्यातील पडदा आणि कॉर्नियाला नुकसान होते. तसेच, अंदाजे २५०,००० ते ५००,०० जीवनसत्त्व अ च्या कमतरतेमुळे मुले दरवर्षी अंध होतात. त्यातील निम्मे अंधत्त्व आल्यानंतर १२ महिन्याच्या आत आपला जीम गमवतात.

जीवनसत्त्व अ शरीराला किती प्रमाणात हवे ?

प्रौढ पुरुषांना ९०० मायक्रोग्राम आणि प्रौढ महिलांना ७०० एमसीजी जीवनसत्त्व अ ची आवश्यक असते. तसेच १ ते ३ वर्षे वयोगटातील मुलांना दररोज २००० IU आणि ४ ते ८ वर्षे वयोगटातील मुलांना ३००० IU जीवनसत्त्व अ ची आवश्यक असते.

जीवनसत्त्व अ च्या कमतरतेमुळे काय होऊ शकते ?

आपले शरीर जीवनसत्त्व (Vitamins) अ च्या गरजा पूर्ण करु शकत नसेल तर आपल्याला डोळ्यांची समस्या उद्भवू शकते. रोग प्रतिकारशक्तीची पातळी कमी होऊ शकते. यामुळे आपल्याला अंधत्व देखील येऊ शकते. जीवनसत्त्व अ च्या कमतरतेमुळे गर्भधारणा व स्तनपानावर देखील नकारात्मक परिणाम होऊ शकतो.

त्वचेच्या पेशी तयार करण्यासाठी आणि दुरुस्त करण्यासाठी जीवनसत्त्व अ आवश्यक आहे. तसेच त्वचेची जळजळ रोखण्यास मदत होते. परंतु जर आपल्या शरीरात जीवनसत्त्व अ ची कमतरता असेल तर आपल्या त्वचेत कोरडेपणा, खाज सुटणे किंवा अगदी स्केलिंगचा अनुभव येऊ शकतो. जीवनसत्त्व अ च्या कमतरतेमुळे खाज देखील होऊ शकतो, अशी स्थिती ज्यामध्ये त्वचेवर (Skin) सूज येते, पुरळ उठते, खवलेले ठिपके आणि फोड येतात.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.

Edited By - Komal Damudre