Assam News : भाजप खासदाराच्या घरात आढळला १० वर्षीय मुलाचा मृतदेह, पोलिसांकडून तपास सुरु

Asaam News :

आसाममध्ये भाजप खासदार राजदीप रॉय यांच्या घरात १० वर्षीय मुलाचा मृतदेह सापडल्याने एकच खळबळ उडाली आहे. पोलिसांनी मुलाचा मृतदेह ताब्यात घेतला असून तो पोस्टमॉर्टमसाठी सिलचल मेडिकल कॉलेज आणि हॉस्पिटलमध्ये पाठवण्यात आला आहे. मुलाचे नाव देखील राजदीप रॉय असल्याची माहिती समोर येत आहे.

मुलाच्या कुटुंबातील एका सदस्याने सांगितले की ते कचार जिल्ह्यातील पलोंग घाट भागातील रहिवासी आहेत. मुलाची आई भाजप खासदार रॉय यांच्या घरी घरकाम करते. ही महिला काही वर्षांपूर्वी तिच्या दोन मुलांच्या शिक्षणासाठी सिलचरला आली होती. (Latest Marathi News)

घटनेची माहिती मिळताच भाजप खासदार राजदीप रॉय त्यांच्या घरी पोहोचले आणि त्यांनी मीडियाला सांगितले की, ज्या खोलीत मुलाचा मृतदेह सापडला ती खोली आतून बंद आहे. पोलिसांनी दरवाजा तोडला तेव्हा मुलगा बेशुद्ध पडला होता. त्याला तातडीने जवळच्या रुग्णालयात नेण्यात आले. तेथे डॉक्टरांनी त्याला वाचवण्याचा प्रयत्न केला, पण तोपर्यंत खूप उशीर झाला होता आणि डॉक्टरांनी त्याला मृत घोषित केले. (Political News)

प्रथमदर्शनी हे आत्महत्येचे असल्याचे पोलिसांचे म्हणणे आहे. व्हिडीओ गेम खेळण्यासाठी तो फोन मागत होता. तो न मिळाल्याने त्याच्या आईवर रागावल्याचे कुटुंबियांनी पोलिसांना सांगितले आहे.

मुलगा अत्यंत अभ्यासात खूप हुशार होता. हस्ताक्षर पाहिले आणि काही वेळ त्याच्याशी बोललो होतो. मुलाचा मृत्यू माझे वैयक्तिक नुकसान आहे आणि माझ्या कुटुंबाला धक्का बसला आहे, असं खासदार राजदीप रॉय यांनी सांगितलं.