Lonavala Crime News : फुस लावून मुलास नेलं पळवून; लोणावळ्यात गुन्हा दाखल

Lonavala : लहान मुले मुली यांचे अपहण करणे किंवा त्यांना पळवून नेणे अशा प्रकारच्या गुन्ह्यांची संख्या हल्ली वाढताना दिसत आहे. खंडाळा येथे नुकत्याच घडलेल्या एका घटनेने पुन्हा एकदा नागरिकांच्या (citizens) चिंतेत आणि भितीत भर पडली आहे.

पोलिसांनी (police) दिलेल्या माहितीनुसार पंचवीस सप्टेंबर रोजी संध्याकाळी साडेसातच्या सुमारास रेल्वे स्टेशनवरुन खंडाळा येथून यश परशुराम पवार (वय पंधरा) या मुलाला अज्ञात व्यक्तीने फूस लावून पळवून नेल्याची फिर्याद नोंदवण्यात आली आहे. या प्रकरणी मुलाचे वडील परशुराम जगन पवार यांनी लोणावळा शहर पोलिसांत फिर्याद दाखल केली.

दरम्यान पोलिसांनी भारतीय दंड विधान कलम 363 अन्वये अज्ञातांविरोधात गुन्हा दाखल केला आहे. रविवारी मुलगा यश पवार यास कोणीतरी अज्ञात व्यक्तीनं अज्ञात कारणावरून फुस लावुन पळवुन नेले आहे. ही तक्रार त्याच्या वडिलांनी केली आहे. या गुन्ह्याचा अधिक तपास लोणावळा शहर पोलिस करत आहेत.

Edited By : Siddharth Latkar