वरळीच्या हिट अँड रन प्रकरणात जुहूच्या ग्लोबल तापस बारला राज्य उत्पादन शुल्क विभागाने सील ठोकलं आहे. राज्य उत्पादन शुल्क विभागाच्या दोन दिवसांच्या तपासानंतर या बारला सील ठोकण्यात आलं आहे. आरोपी मिहिर शहा आणि त्याच्या चार मित्रांनी याच बारमध्ये अपघाताच्या रात्री तब्बल 18 हजाराची दारू पिलेली होती. रात्री उशिरापर्यंत मिहीर शहा आपल्या मित्रांसोबत जुहूच्या तापस बारमध्ये दारू पीत होता. दोन दिवस राज्य उत्पादन शुल्क विभागाकडून बार मधील स्टॉक मोजण्याचे काम सुरू होते.
दरम्यान वरळी अपघात प्रकरणातील मुख्य आरोपी मिहिर शहाला अटक करण्यात आली आहे. मिहिर शहाची आई आणि बहिणीलाही पोलिसांनी ताब्यात घेतलं आहे. आरोपीला मदत करणाऱ्या तब्बल १२ लोकांना ताब्यात घेण्यात आल्याची माहिती आहे. गाडीवरील महिलेला काही किलोमीटरपर्यंत फरफटत नेलं होतं. रविवारी पहाटे भरधाव बीएमडब्ल्यू कारने दांपत्याला उडवल्याची घटना घडली होती. त्यानंतर आरोपी मिहिर शहा फरार झाला होता. पोलिसांनी आरोपी मिहिर शहाच्या नावाने लूक आऊट जारी केली होती. अखेर आज तो पोलिसांच्या हाती लागला.
या घटनेचं सीसीटीव्ही फुटेजही समोर आलं होतं. या सीसीटीव्हीत कार महिलेला फरफटत नेत असल्याचं समोर आलं होतं. मृत महिलेच्या पती यात जखमी झाले होते. त्यांनी मिहिर शहा कार चालवत असल्याचा आरोप केला होता.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
