Mumbai Crime News : मांजराला खायला दिलं म्हणून शेजाऱ्यांची तरुणीला बेदम मारहाण, हाताला पडले तब्बल 32 टाके

Mumbai News : मांजराला खाऊ घातल्याच्या कारणावरुन एका तरुणीला शेजाऱ्यांनी बेदम मारहाण केली आहे. या मारहाणीत तरुणीच्या हाताला 32 टाके पडले आहेत. मुंबईतील भुलेश्वर येथे ही घटना घडली आहे. सिमरीन शुक्ला असं मारहाण झालेल्या तरुणीचं नाव आहे. या प्रकरणी सिमरीनच्या वतीने पोलिसांत राजकुमार मिश्रा आणि त्याच्या कुटुंबातील दोन सदस्यांविरोधात तक्रार दाखल करण्यात आली आहे. तर मिश्रांकडून तरुणीविरोधात तक्रार दाखल करण्यात आली आहे.

टाईम्स ऑफ इंडियाच्या वृत्तानुसार, सिमरीन परिसरातील मांजरांना नेहमी खायला देत असे. मात्र मांजरी आपल्या घरासमोर घाण करत असल्याची तक्रार मिश्रा कुटुबियांची होती. याबाबत सिमरीन आणि मिश्रा कुटुंबियांमध्ये याआधीही खटके उडाले होती. मात्र अशाच झालेल्या वादातून मिश्रा त्याच्या कुटुंबियातील दोघांना सिमरीनला बेदम मारहाण केली.  (Latest Marathi News)

या मारहाणीनंतर सिमरीनच्या हातातून आणि पायातून रक्तस्त्रावही झाला. तिच्या हाताला 32 टाके पडले आहेत. त्यानंतर जस्ट स्माइल चॅरिटेबल ट्रस्टच्या स्नेहा विसारिया यांच्या मदतीन तिने एफआयआर दाखल केला आहे. यानंतर मिश्रा कुटुंबियांनी देखील त्यांच्यावर हल्ला केल्याची काउंटर तक्रार दाखल केली आहे. मात्र शुक्रवारी रात्री मिश्रांवर हल्ला करणारे हे लोक कोण होते हे स्पष्ट झालेले नाही. (Mumbai News)

चार दिवसांपूर्वी सिमरीनच्या 14 वर्षांच्या भावावरही मांजरांना खाऊ खालण्यावरून त्याच शेजाऱ्यांनी मारहाण केली होती, असं विसारिया यांनी सांगितलं. (Crime News)

सिमरीनने सांगितलं की, मिश्रांनी माझ्यावर हल्ला केला आणि त्यामुळे माझ्या हाताला टाके पडले. मांजरांना खायला दिल्याबद्दल आम्हाला बराच काळ त्रास दिला जात होता. काउंटर एफआयआर चुकीचा आहे. कारण आमचा यात कोणत्याही प्रकारे सहभाग नाही.

पोलिसांनी याबाबत म्हटलं की, दोन्हीकडून काउंटर तक्रार नोंदवण्यात आल्या आहेत. गुन्हा गंभीर नसल्यामुळे कोणालाही अटक करण्यात आलेली नाही.