अक्षय बडवे
Pune News : पुण्यातील एका मोठ्या हाऊसिंग सोसायटीमध्ये एक धक्कादायक प्रकार समोर आला आहे. सोसायटीत राहण्याच्या एक सदस्याच्या पत्नीबाबत आक्षेपार्ह मेल इतर सभासदांना पाठवल्याने एकच खळबळ उडाली आहे. (Pune News)
सोसायटीमध्ये राहणाऱ्या एका सदस्याची पत्नी पॉर्नस्टार सारखी दिसते, असा मेल सोसायटीच्या 140 सदस्यांना करण्यात आला आहे. कोंढवा भागात असणाऱ्या सोसायटीमध्ये एका महिलेला पॅार्नस्टार म्हणून संबोधन करत विनयभंग करण्यात आला आहे. (Latest Marathi News)
याप्रकरणी महिलेने कोंढवा पोलीस ठाण्यात फिर्याद दिली आहे. यावरून कोंढवा पोलिसांनी शेखर बाबूलाल धोत्रे या सदस्यावर गुन्हा दाखल केला आहे. पोलिसांनी दिलेल्या माहितीनुसार, फिर्यादी यांच्या सोसायटीमध्ये राहणाऱ्या आरोपी शेखर धोत्रे याने "**ची बायको पोर्न अॅक्ट्रेस सारखी दिसते", अशी अश्लील भाषा वापरत सोसायटीमधील 140 सदस्यांना मेल पाठवला आहे. (Maharashtra News)
फिर्यादी या संदर्भात जाब विचारण्यास गेले असता आरोपीने त्यांना धमकी दिली आणि जे करायचं ते कर असं धमकावले. हा सगळा प्रकार त्या महिलेने पोलिसांना सांगितला. त्यांनतर पोलिसांनी धोत्रे याच्यावर गुन्हा दाखल केला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.