डोंबिवली : डोंबिवली पुर्वेकडील खंबाळपाडा परिसरात तलवारीने वार करत एका इसमाची हत्या केल्याची खळबळजनक घटना घडली आहे. मुकुंद चौधरी असे या मयत इसमाचे नाव असून याप्रकरणी टिळक नगर पोलीस ठाण्यात गुन्हा दाखल करत काल्या उर्फ हीतेश नकवाल याला बेड्या ठोकल्या आहेत.
हे देखील पहा :
आरोपी हितेश खंबाळ पाडा येथे राहणाऱ्या मुकुंद चौधरी यांच्या वहिनी कडे काम करत होता. मुकुंद ने हितेशला माझ्या वहिनी कडे काम करू नकोस असे म्हणत धमकावले होते. काल देखील तर मुकुंद ने रितेशला तलवारीचा धाक दाखवून काम सोडण्याची धमकी दिली होती.
त्यातून या दोघांमध्ये वाद झाला व हितेश ने मुकुंद च्या हातातील तलवार हिसकावून मुकुंद वर तलवारीने हल्ला केला या हल्ल्यात मुकुंदचा जागीच मृत्यू झाला. या प्रकरणी टिळक नगर पोलिस ठाण्यात गुन्हा दाखल करण्यात आला असून पोलिसांनी आरोपी अटक करत पुढील तपास सुरू केला आहे.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
