मुंबई : मुंबईतील वानखेडे मैदानावर एमसीएच्यावतीने एक कार्यक्रम आयोजित करण्यात आला होता. यादरम्यान, राज्याचे मुख्यमंत्री देवेंद्र फडणवीस यांनी भाषणाच्या सुरुवातीलाच राष्ट्रवादी काँग्रेसचे सर्वेसर्वा आणि आयसीसीचे माजी अध्यक्ष शरद पवार यांचं तोंड भरुन कौतुक केलं. फडणवीसांनी आपल्या भाषणात शरद पवार, रोहित शर्मा यांचे क्रिकेटमधील योगदान सांगत स्तुतीसुमने उधळली. तर, दिवंगत अमोल काळे यांच्या आठवणी जागवत त्यांनी देखील अल्पवाधीतच एमसीए आणि क्रिकेटसाठी लक्षात राहिल असं काम केलंय. भारतीय क्रिकेट विकसित करणाऱ्या प्रशासकांमध्ये पवार साहेबांचं नाव अव्वल असेल. एमसीए, बीसीसीआय आणि आयसीसीचे अध्यक्ष म्हणून त्यांनी केलेलं काम हे मोठं आहे, असंही फडणवीसांनी म्हटलं.
'मी मुंबई क्रिकेट असोसिएशन म्हणजेच MCAचं मनापासून अभिनंदन करेल, की त्यांनी हा निर्णय घेतला. शरद पवार साहेबांबद्दल सांगायची गरज नाही. भारतीय क्रिकेटमध्ये, क्रिकेटच्या विकासासाठी त्यांनी केलेलं काम नक्कीच मोठं आहे. भारतीय क्रिकेटसाठी शरद पवारांचं मोठं योगदान असून आज भारतीय क्रिकेट ज्या स्तरावर आहे, त्याचं श्रेय पवार साहेबांचं आहे', अशा शब्दात देवेंद्र फडणवीसांनी वानखेड स्टेडियमवर जोरदार बॅटींग करत शरद पवारांवर स्तुतीसुमने उधळली. शरद पवारांचं नाव येथील स्टँन्डला देणं हा MCAचा योग्य निर्णय आहे, असंही त्यांनी यावेळी म्हटलं.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.