Antilia case: अँटिलिया स्फोटक प्रकरणातील मुख्य आरोपी विनायक शिंदेला जामीन नाहीच...

मुंबई : अँटिलिया (Antilia) स्फोटक प्रकरणातील मुख्य आरोपी विनायक शिंदेचा जामीन स्पेशल NIA कोर्टाने फेटाळला आहे. मनसुख हिरेन हत्या प्रकरणात विनायक शिंदे याला अटक करण्यात आली होती. मनसुख हिरेन यांना तावडे नावाने जो फोन करण्यात आला होता, तो फोनवरील व्यक्ती तावडे नसून विनायक शिंदे (Vinayak Shinde) असल्याचे तपासात समोर आले होते.

यापूर्वी नोव्हेंबर २००६ मध्ये लखनभैया बनावट चकमक प्रकरणात दोषी आढळून आल्यामुळे पोलीस कॉन्स्टेबल विनायक शिंदेला निलंबित केले होते. विनायक शिंदे हा प्रदीप शर्मा व सचिन वाजेचा (Sachin Waze) जवळचा होता. तसंच लखनभैया चकमक प्रकरणातून विनायक शिंदे मे २०२०मध्ये पॅरोलवर बाहेर आला होता.

उद्योगपती मुकेश अंबानी (Mukesh Ambani) यांच्या निवासस्थानाजवळ एका वाहनात स्फोटके सापडल्याप्रकरणी आणि मनसुख हिरेन यांच्या हत्येतील कथित भूमिका याप्रकरणी राष्ट्रीय तपास संस्थेने (एनआयए) रियाजुद्दीन काझीला आणि वाझे यांच्यासह माजी एन्काउंटर स्पेशालिस्ट प्रदीप शर्मा आणि माजी पोलीस कर्मचारी विनायक शिंदे आणि सुनील माने यांचा देखील आरोपींमध्ये समावेश केला होता.

Edited By - Jagdish Patil