मुंबई: मराठी चित्रपट सृष्टीमधील ज्येष्ठ अभिनेते रमेश देव (Actor Ramesh Deo) यांचे काल निधन ( passes away) झाले आहे. ते ९३ वर्षांचे होते. हृदय विकाराच्या झटक्याने त्यांचे निधन झाल्याची माहिती रमेश देव यांचे चिरंजीव आणि अभिनेते अजिंक्य देव (Ajikya Deo) यांनी याविषयी माहिती दिली आहे. ३० जानेवारी रोजी त्यांनी आपला ९३ वा वाढदिवस (Birthday) साजरा केला होता. त्यांच्या निधनाने मराठी आणि हिंदी चित्रपटसृष्टीमधून शोक व्यक्त करण्यात येत आहे. गुरुवारी त्यांच्या पार्थिवार अंत्यसंस्कार (Funeral) करण्यात येणार आहे. (Veteran actor Ramesh Deo passes away Funeral will held Mumbai)
हे देखील पहा-
रमेश देव यांचा जन्म ३० जानेवारी १९२९ रोजी कोल्हापूर (Kolhapur) याठिकाणी झाला होता. ते मूळचे राजस्थान (Rajasthan) मधील जोधपूरचे (Jodhpur), ठाकूर घराण्यातील. राजर्षी शाहू महाराज यांच्यामुळे त्यांचे नाव 'देव’ झाले होते. एका न्यायालयीन कामकाजात रमेश देव यांच्या वडिलांनी महाराजांना मदत केली होती. त्यावेळी महाराज म्हणाले, तुम्ही ठाकूर नाही तर देव आहात, तेव्हापासून देव हे नाव त्यांना रूढ झाले होते. रमेश देव यांचा विवाह प्रसिद्ध अभिनेत्री सीमा यांच्यासोबत झाला आणि पडद्यावर आणि आयुष्यात देखील ही जोडी उत्तम जमली.
भारतीय चित्रपट आणि टेलिव्हिजन सृष्टीतील आघाडीचे अभिनेते म्हणून त्यांचे नाव आदराने घेतले जाते. त्यांनी आपल्या दीर्घ कारकिर्दीत १८० हून अधिक मराठी आणि हिंदी चित्रपटांमध्ये भूमिका साकारले आहेत. चित्रपट, टेलिव्हिजन मालिका आणि जाहिरातींमध्ये त्यांनी काम केले होते.
Edited By- Digambar Jadhav
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.