Vasai Accident News: भीषण अपघात! वसईत भरधाव कारची दुचाकीला धडक; दोघे गंभीर जखमी

Vasai Accident News: मुंबई वसईमधून एक भीषण अपघाताची बातमी समोर आली आहे. वसई पूर्वेच्या फादरवाडी येथे एका भरधाव इनोवा कार आणि दुचाकीमध्ये हा अपघात झाला असून इनोव्हाच्या धडकेत दोन दुचाकी स्वार तरुण गंभीर जखमी झाले आहेत. या संपूर्ण अपघाताचा थरार सीसीटिव्ही कॅमेऱ्यात कैद झाला आहे.

याबाबत अधिक माहिती अशी की, वसई (Vasai) पूर्वेच्या फादरवाडी येथे एका भरधाव इनोवा कारच्या धडकेत दोन दुचाकी स्वार तरुण गंभीर जखमी झाल्याची घटना घडली आहे. आज पहाटेच्या सुमारास हा भीषण अपघात (Accident) झाला. दुचाकीवरील दोन तरुण दुचाकीत पेट्रोल भरून तुंगारेश्वर मंदिराकडे जात होते.

यावेळी फादरवाडी नाक्याजवळ एका भर वेगात येणाऱ्या इनोव्हा कारने या दोघांना जोरदार धडक दिली. ही धडक इतकी भीषण होती की यात दोघांना गंभीर दुखापत झाली आहे. या अपघातानंतर इनोव्हाचा चालक फरार झाला आहे. (Accident News)

कार चालक फरार...

अपघातातील जखमी तरुणांना स्थानिक नागरिकांनी उपचारासाठी रुग्णालयात दाखल केले आहे. वालिव पोलीस ठाण्यात या अपघाताची नोंद करण्यात आली असून पोलीस याबाबत अधिक तपास करत आहेत. (Latest Marathi News)

गोंदियामध्ये भीषण अपघात...

गोंदिया शहराच्या दोन भागांना जोडणाऱ्या उडान पुलावर दोन दुचाकी वाहने समोरासमोर धडकल्याने या अपघातात एकाचा जागीच मृत्यू झाला तर तीन तरुण गंभीर जखमी झाले. सचिन बघेले असे मृत तरुणाचे नाव असून तो गोरेगाव तालुक्यातील असल्याचे सांगण्यात येत आहे. जखमी तिघांवर गोंदिया जिल्हा शासकीय रुग्णायात उपचार सुरु आहेत.