Mumabi Rain News: मुंबईत जोरदार वाऱ्यासह अवकाळी पावसाची हजेरी, अनेक ठिकाणी पाणी साचलं

Mumbai News : मागील काही दिवसांपासून राज्याच्या विविध भागात अवकाळी पावसाने हजेरी लावली आहे. या अवकाळीमुळे शेतकऱ्यांच्या पिकांचं मोठं नुकसान झालं आहे. मुंबईतही काल रात्री पावसाने जोरदार हजेरी लावली. मुंबई उपनगरात वेगवान वाऱ्यासह पावसाच्या जोरदार सरी कोसळल्या. (Mumbai Rain)

पश्चिम उपनगरातील अंधेरी, वर्सोवा, गोरेगाव, मालाड, कांदिवली, बोरिवली आदी भागात पावसाच्या हलकी सरी कोसळल्याने वातावरणात काहीसा गारवा निर्माण झाला. मात्र अचानक आलेल्या पावसाने मुंबईकरांची काहीशी तारांबळही झाल्याचं पाहायला मिळालं. अनेक ठिकाणी पाणी देखील साचल्याचं पाहायला मिळालं. (Latest News Update)

मुंबईत मागील दोन दिवसापासून तापमान वाढीबरोबरच प्रचंड उकाडा देखील जाणवत होता. अशातच रात्री उशिरा अचानक मुंबई उपनगरातील विमानतळ परिसर, विलेपार्ले, जुहू, अंधेरी, बोरिवली नॅशनल पार्क आधी परिसरात पावसाच्या जोरदार सरी कोसळल्या. त्यामुळे उकाड्याने हैराण झालेल्या मुंबईकरांना काहीसा दिलासा मिळाला आहे.