Unseasonal Rain: मुंबईसह उपनगरात अवकाळी पावसाचं धुडगूस; शेतकरी मोर्चालाही पावसाचा फटका, शेतकऱ्यांची आडोशासाठी धावपळ

संध्याकाळी मुंबईसह नवी मुंबई, ठाणे, कल्याण, डोंबिवली, उल्हासनगर परिसरात पावसाने जोरदार हजेरी लावली.
Rain
Rain Saam TV

Unseasonal Rain News : मुंबईसह उपनगरात काही ठिकाणी विजांच्या कडकडाटासह पाऊस पडण्याची शक्यता हवामान विभागाने वर्तवली होती. आज सकाळपासूनच मुंबई आणि आजूबाजूच्या परिसरात ढगाळ वातावरण पाहायला मिळत होतं. संध्याकाळी मुंबईसह नवी मुंबई, ठाणे, कल्याण, डोंबिवली, उल्हासनगर परिसरात पावसाने जोरदार हजेरी लावली.

विजांच्या कडकडाटासह अचानक सुरु झालेल्या पावसाने मात्र घरी निघालेल्या चाकरमान्यांची चांगली तारांबळ उडाली. काही ठिकाणी वीजपुरवठा देखील खंडित झाला आहे. अचानक सुरु झालेल्या पावसाचा फटका शेतकरी मोर्चाला देखील बसला.

Rain
Farmers Long March: शेतकऱ्यांच्या शिष्टमंडळाची सरकारसोबत सकारात्मक चर्चा, शेतकरी मोर्चा उद्या मागे घेणार, पण...

शेतकरी मोर्चा आज वाशिंद येथे मुक्कामी आहे. मात्र वाशिंदमध्ये जोरदार पावसाने हजेरी लावली. शेतकऱ्यांचा मुक्काम मोकळ्या मैदानावर असल्याने त्यांची मोठी धावपळ झाली. शेतकऱ्यांनी झाड, गाडी मिळेल तिथे आडोसा घेतला. पावसात भिजत असलेल्या शेतकऱ्यांसाठी राहण्याची पर्यायी व्यवस्था करण्यासाठी जिल्हा प्रशासनाने प्रयत्न सुरु केले आहे.

हजारो शेतकऱ्यांसाठी एकाच जागी व्यवस्था करण्याचं प्रशासनासमोर मोठं आव्हान आहे. शेतकरी वेगवेगळ्या ठिकाणी राहण्यास तयार होणार का? हा प्रशासनासमोरची अडचण आहे. (Latest News)

ठाणे शहरात रात्रीच्या सुमारास अवकाळी रिमझिम पावसाला सुरुवात झाली आहे. आज दिवसभर शहरात ढगाळ वातावरण असतानाच पावसाने हजेरी लावली. शहरातील पाचपाखाडी, घोडबंदर रोड, नौपाडा, वागळे इस्टेट या ठिकाणी पावसाने हजेरी लावली आहे.

Rain
Mumbai News: मुंबईत अँटी नार्कोटिक्स सेलची मोठी कारवाई; 8 कोटींचं ड्रग जप्त, दोघांना अटक

कल्याण, डोंबिवली भागात सायंकाळी आठ वाजण्याच्या अचानक सोसाट्याच्या वारा सुटला व अवकाळी पावसाने हजेरी लावली. अचानक कोसलेलेल्या पावसामुळे घरी परतणाऱ्या चाकरमान्यांची मात्र चांगलीच तारांबळ उडाली. तर दुसरीकडे कल्याणच्या काही भागात वीजपुरवठा खंडित झाला होता.

उल्हासनगर आणि अंबरनाथमध्ये जोरदार पावसाने हजेरी लावली. जोरदार पावसामुळे अनेक भागांत वीज पुरवठा देखील खंडित करण्यात आला. शिवमंदिर आर्ट फेस्टिवल उद्घाटनच्या दिवशीचा नियोजित शो देखील रद्द करण्यात आला आहे. अचानक पाऊस आल्याने प्रेक्षकांची तारांबळ उडाली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com