उल्हासनगर: पोहायला गेलेल्या मुलाचा शॉक लागून मृत्यू

उल्हासनगर: उल्हासनगर (Ulhasnagar) येथील कॅम्प क्रमांक चार येथील व्हीनस चौकात असलेल्या कारंज्याच्या डबक्यात पोहण्यासाठी गेलेल्या एका मुलाचा शॉक लागून मृत्यू झाल्याची घटना समोर आली आहे. ही घटना शुक्रवारी सायंकाळी आठ वाजता घडली. येथील इंदिरा गांधी मार्केट परिसरात हळहळ व्यक्त केली जात आहे,

मिळालेल्या माहितीनुसार, उल्हासनगर (Ulhasnagar) कॅम्प क्रमांक तीन परिसरात कमल कुंज नावाची इमारत आहे. या इमारतीत काम करणारे दीपक परिवार यांचा नऊ वर्षाचा मुलगा विनोद हा त्याच्या दोन मित्रांबरोबर उल्हासनगर कॅम्प क्रमांक चार येथे असलेल्या व्हीनस चौकात उल्हासनगर महानगरपालिकेने लावलेल्या कारंज्याच्या डबक्यात पोहायला आले होते.

पोहूण झाल्यानंतर तीन मुले घरी जाण्यास निघाले असताना विनोद परिवार या मुलाचा हात विजेच्या पोलाला लागला. या पोलामधून विद्युत पवाह सुरु होता विनोद शॉक लागूण जागीच पडला. यावेळी स्थानिकांनी विनोद ला नजीकच्या रुग्णालयात (Hospital) घेऊन गेले असता, विनोदला डॉक्टरांनी त्याला मृत घोषित केले. या घटनेने विनोद राहत असलेल्या इंदिरा गांधी भाजी मार्केट परिसरात हळहळ व्यक्त होत आहे.