Maharastra Politics : एकनाथ शिंदे यांचा उद्धव ठाकरेंना जोरदार धक्का; पुण्यातील बडा नेता धनुष्यबाण हाती घेणार

अक्षय बडवे, साम टीव्ही

पुणे : उपमुख्यमंत्री एकनाथ शिंदे यांच्याकडून उद्धव ठाकरेंना धक्के देणे सुरुच आहे. स्थानिक स्वराज्य निवडणुकीच्या पार्श्वभूमीवर पुण्यात ठाकरे गटाला मोठा धक्का बसणार आहे. ठाकरे गटाचे माजी आमदार महादेव बाबर हे शिंदे यांच्या शिवसेनेत प्रवेश करणार आहेत. फेब्रुवारीच्या पहिल्या महिन्यात माजी आमदार महादेव बाबर शिंदे गटात प्रवेश करणार आहेत.

पुण्यात ठाकरे गटाला मोठा धक्का बसणार आहे. ठाकरे गटाचे माजी आमदार महादेव बाबर हे एकनाथ शिंदे यांच्या शिवसेनेत प्रवेश करणार आहे. फेब्रुवारी महिन्याच्या पहिल्या आठवड्यात माजी आमदार महादेव बाबर हे त्यांच्या समर्थकांसह शिंदे गटात प्रवेश करणार आहेत. महादेव बाबर यांनी उपमुख्यमंत्री एकनाथ शिंदे यांची भेट घेतली. महादेव बाबर यांच्यासोबत शहरातील आणखी काही नगरसेवक शिंदे यांच्या शिवसेनेत प्रवेश करणार असल्याचा दावा करण्यात येत आहे.

तिकीट न मिळाल्याने बाबर होतो नाराज

विधानसभा निवडणुकीत तिकीट न मिळाल्यामुळे महादेव बाबर नाराज होते. बाबर यांनी विधानसभा निवडणुकीदरम्यान उद्धव ठाकरे यांची भेट घेऊन तिकिटाची मागणी केली होती. बाबर हे हडपसर विधानसभा मतदारसंघासाठी इच्छुक उमेदवार होते. मात्र त्यांची मागणी महाविकास आघाडीकडून डावलण्यात आली.

फेब्रुवारीत शिंदेंच्या शिवसेनेत मोठी इन्कमिंग

फेब्रुवारीच्या पहिल्या आठवड्यात एकनाथ शिंदे यांच्या शिवसेनेत मोठी इन्कमिंग होणार असल्याची माहिती मिळत आहे. पुण्यातील नऊ ते दहा आजी-माजी नगरसेवक करणार एकनाथ शिंदे यांच्या उपस्थितीत शिवसेनेत प्रवेश होणार आहे. या नगरसेवकांच्या यादीत काही मोठे नाव असण्याची शक्यता आहे.

काँग्रेसचेही अनेक नगरसेवक शिंदे यांच्या शिवसेनेच्या वाटेवर असल्याची माहिती मिळत आहे. काँग्रेस नगरसेवकासह माजी आमदार रवींद्र धंगेकर देखील शिंदे गटात प्रवेश करणार असल्याची माहिती सूत्रांनी दिली आहे. धंगेकर यांच्या पक्षप्रवेशामुळे काँग्रेसलाही मोठा धक्का बसण्याची शक्यता आहे.