Breaking: ओमिक्रॉनचे मुंबईत आणखी दोन रुग्ण; राज्यात संख्या दहा

रश्मी पुराणिक

मुंबई : आज मुंबईतील आणखी दोघांना ओमिक्रॉनची लागण झाली आहे. राष्ट्रीय विषाणू विज्ञान संस्थेने दिलेल्या अहवालानुसार या दोघांना या व्हायरसची लागण झाल्याचं समोर आलं आहे. यामुळे आता महाराष्ट्रातील ओमिक्रॉनच्या रुग्णांची संख्या १० झाली आहे. दक्षिण आफ्रिकेतून आणि अमेरिकेहून आलेल्या दोघांना ओमिक्रॉनची लागण झाली आहे. या दोघांना कोणतीही लक्षणे नाहीत. हे दोन्ही रुग्ण सेव्हन हिल्स रुग्णालयात भरती आहेत. या दोन्ही रुग्णांनी फायझर लसीचे दोन्ही डोस घेतलेले आहेत. या दोन्ही रुग्णांच्या ५ अतिजोखमीच्या आणि ३१५ कमी जोखमीच्या सहवासात आलेल्या लोेकांची शोध घेण्यात येणार आहे.