ठाणे - निवासी इमारतीवरील पाण्याची टाकी साफ करण्यासाठी टाकीत उतरलेल्या चार कर्मचाऱ्यांपैकी 2 जणांचा गुदमरून मृत्यू झाला आहे. तर दोघांची परिस्थिती गंभीर असून त्यांना रुग्णालयात दाखल करण्यात आले आहे. या दोघांवर खासगी रुग्णालयात (Hospital) उपचार सुरु आहेत. नौपाडा भागात असणाऱ्या मराठा मंडळ सांस्कृतिक केंद्राच्या इमारतीवरील पाण्याची टाकी साफ करण्यासाठी हे कामगार पाण्याच्या टाकीत उतरले होते. त्यावेळी हा अपघात घडला आहे.
पाण्याची टाकी साफ करण्यासाठी टाकीत टाकलेल्या केमिकलचे गॅस तयार झाल्याने चौघं जण टाकीत गुदमरल्याने ही घटना घडली आहे. काल दुपारी साडेचारच्या सुमारास ही घटना घडली आहे. दोन्ही पीडितांचे मृतदेह शवविच्छेदनासाठी स्थानिक सरकारी रुग्णालयात पाठवण्यात आले आहेत. या प्रकरणी अपघाती मृत्यूची नोंद करण्यात आली असून पुढील तपस सुरु आहे.
Edited By - Shivani Tichkule
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.