Breaking : पुण्यात विश्रांतवाडीच्या खाणीत आढळले दोघांचे मृतदेह

पुणे : विश्रांतवाडी परिसरात एक धक्कादायक घटना उघडकीस आली आहे. विश्रांतवाडीच्या खाणीत दोन तरुणांचा मृतदेह (two persons death) आढळल्याने एकच खळबळ उडाली आहे. या घटनेमुळं संपूर्ण परिसरात भीतीचं वातावरण पसरलं आहे. विकी लंके (२०) आणि सुशांत गडदे  (२०) अशी मृतांची नावं आहेत. दरम्यान, विकी आणि प्रसन्न यांचा खून झाला असल्याचा आरोप मृतांच्या नातेवाईकांनी केला आहे.

मिळालेल्या माहितीनुसार, ६ जूनला रात्री विकी आणि प्रसन्न बेपत्ता झाले होते. त्यांच्या नातेवाईकांकडून त्यांची शोधाशोध सुरु होती. विश्रांतवाडी पोलीस स्टेशन (Police) मध्ये हे दोघे बेपत्ता झाल्याची तक्रारही नातेवाइकांनी दिली होती. पण गेले काही दिवस त्यांचा ठावठिकाणा लागला नाही. परंतु, आज दोघांचेही मृतदेह विश्रांतवाडीच्या खाणीत आढळल्याने त्यांच्या कुटुंबावर दु:खाचा डोंगर कोसळला. विकी लंके आणि प्रसन थुल या दोघांची हत्या झाली असल्याचा आरोप त्यांच्या कुटुंबीयांनी केला आहे.