राज्यात सध्या ऊन आणि पावसाचा लपंडाव
अकोला येथे ४१.६°C उच्चांकी तापमानाची नोंद
मध्य महाराष्ट्र, मराठवाडा आणि विदर्भात वादळी पावसाचा येलो अलर्ट
अवकाळी पावसामुळे शेतकऱ्यांच्या पिकांवर परिणाम
Maharashtra Today Temprature News राज्यात ऊन पावसाचा खेळ पाहायला मिळतो आहे. एकीकडे मुंबई, पुणेसह अनेक जिल्ह्यांना उकाड्याने हैराण केले आहे. तर दुसरीकडे आज मध्य महाराष्ट्र, मराठवाडा आणि विदर्भात वादळी वाऱ्यासह पावसाचा अंदाज असल्याने येलो अलर्ट देण्यात आला आहे. उर्वरित राज्यात उन्हाचा चटका आणि तुरळक ठिकाणी विजांसह पावसाची शक्यता हवामान विभागाने वर्तवली आहे.
हवामान विभागाच्या अंदाजानुसार, हवेचा कमी दाबाचा पट्टा विस्तारला असल्याने राज्यात पावसाला पोषक हवामान झाले आहे. पुढील काही दिवस असेच वातावरण राहणार असून काही ठिकाणी उकाडा असणार आहे. शनिवारी आणि रविवारी म्हणजेच काल कोल्हापूर, साताऱ्यासह दक्षिण मध्य महाराष्ट्रात तुरळक ठिकाणी वादळी पाऊस, गारपिटीने हजेरी लावली.
तसेच रविवारी सकाळपर्यंतच्या २४ तासांमध्ये विदर्भातील अकोलासह अमरावती आणि वर्धा येथे उष्णतेची लाट होती. काल अकोला येथे देशातील उच्चांकी ४१.६ अंश सेल्सिअस तापमानाची नोंद झाली.
मध्य महाराष्ट्रातील जेऊर, मालेगाव, सोलापूर, विदर्भातील वाशीम, ब्रह्मपुरी येथे ४० अंशांपेक्षा अधिक तापमानाची नोंद झाली, तर निफाड येथे नीचांकी १३.३ अंश सेल्सिअस तापमान नोंदले गेले. दरम्यान ऊन पावसाच्या या खेळात नागरिकांच्या आरोग्यावर परिणाम होत असून अवकाळी पावसाने झोडपल्याने शेतकऱ्यांच्या पिकांवर देखील परिणाम झाला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.