Mumbai News : मुंबईत दहशतवादी हल्ल्याची धमकी; NIAच्या ई-मेलवर धमकीचा मेल

Mumbai News : मुंबईला पुन्हा दहशदवादी हल्ल्याची धमकी देण्यात आली आहे. NIA या राष्ट्रीय तपास यंत्रणेच्या ईमेल आयडीवर हा मेल आला असून त्यानंतर देशातील प्रमुख शहरांना सतर्ककेचा इशारा देण्यात आला आहे.

NIA कडून मुंबई पोलिसांच्या (Mumbai Police) नियंत्रण कक्षालाही गुरूवारी रात्री १२ च्या सुमारास हा मेल पाठवण्यात आला असून सतर्क राहण्याच्या सूचना देण्यात आल्या आहेत. मेल करणाऱ्याने आपण तालिबानी असून तालिबाणी संघटनेचा प्रमुख नेता सिराजुद्दीन हक्कानी याच्या आदेशावर चालत असल्याचा उल्लेख केला आहे.

या मेलनंतर संपूर्ण तपास यंत्रणा कामाला लागली असून हा मेल कुठून व कुणी केला हा खोडसाळ प्रकार तर नाहीना याचाही पोलीस शोध घेत आहे. याशिवाय मुंबई पोलिसांनी सार्वजनिक ठिकाणे, विमानतळ, रेल्वे स्थानक यासह अनेक ठिकाणी तपासासोबत सुरक्षा व्यवस्था कडक केली आहे. याआधी मागील महिन्यातही एका व्यक्तीने मुंबई पोलिसांच्या नियंत्रण कक्षाला फोन करून शहरात वेगवेगळ्या ठिकाणी बॉम्बस्फोट घडवून आणण्याची धमकी दिली होती.