मुंबई : महाराष्ट्राचे माजी कृषिमंत्री, तथा भाजपा किसान मोर्चाचे प्रदेश सरचिटणीस डॉक्टर अनिल बोंडे (Anil Bonde) यांना राज्यसभेची उमेदवारी जाहीर करण्यात आली आहे. सध्या राज्यसभेच्या जागेसाठी राज्यभरात रस्सीखेच सुरु असताना अनिल बोंडेंना ही उमेदवारी देण्यात आली आहे. तसंच भाजपनेते पियूष गोयल (Piyush Goyal) यांना देखील भाजपकडून उमेदवारी देण्यात आली आहे. या दोघांना राज्यसभेचे उमेदवारी दिल्यामुळे आता भाजपचा राज्यसभेचा (Rajyasabha) उमेदवार कोण? या चर्चांना पुर्णविराम मिळाला आहे.
पाहा व्हिडीओ -
दरम्यान, भाजपकडून राज्यसभेची उमेदवारी अनिल बोंडेंना देण्यात आल्यामुळे माजी मंत्री विनोद तावडे (Vinod Tawde) यांचा पुन्हा एकदा पत्ता कट झाला आहे. राज्यसभेसाठी विनोद तावडे यांच्या नावाची जोरदार चर्चा होती मात्र त्यांना संधी देण्यात आलेली नाही. त्या ऐवजी माजी कृषी मंत्री अनिल बोंडे यांना भाजपने संधी दिली आहे. दरम्यान अनिल बोंडे देवेंद्र फडणवीस (Devendra Fadnavis) गटातले असल्याने त्यांना संधी दिल्याची भाजपमध्ये चर्चा सुरु आहेत.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.