Mumbai Crime : पार्क केलेल्या गाडीच्या काचा फोडून किमती वस्तू चोरी; आरोपी पोलिसांच्या जाळ्यात

संजय गडदे

Mumbai Crime News : मुंबईच्या (Mumbai) खार पश्चिम आणि आसपासच्या परिसरामध्ये पार्क केलेल्या गाद्यांच्या काचा फोडून कारमधील किमती वस्तू चोरी करणाऱ्या सराईत गुन्हेगाराला बेड्या ठोकण्यात खार पोलिसांना यश आले आहे. तब्बल 60 हून अधिक सीसीटीव्हीचा माघोवा घेत खार पोलिसांनी (Khar Police) वांद्रे येथून आरोपीला अटक केली आहे. साहिल जमिल कुरेशी असे अटक करण्यात आलेल्या आरोपीचे नाव आहे. आरोपी हा आंतरराज्यीय सराईत गुन्हेगार असून त्याच्यावर गुजरात, राजस्थान आणि मुंबई अशा ठिकाणी एकूण 24 गंभीर स्वरुपाचे गुन्हे दाखल आहेत. (Mumbai Latest Crime News)

मिळालेल्या माहितीनुसार, खार लिंकिंग रोड परिसरात फिर्यादी एक डिसेंबर या दिवशी हॉटेलमध्ये जेवणासाठी गेले असता आपली चार चाकी गाडी रस्त्याच्या कडेला पार्क केली. जेवण आटोपल्यानंतर फिर्यादी पुन्हा गाडीकडे आले असता त्यांच्या गाडीच्या मागील खिडकीच्या काचा कोणीतरी फोडून आतमध्ये ठेवलेले 32000 हजार किंमतीचे वस्तु चोरून नेल्याचे आढळून आले यांनतर त्यांनी खार पोलीस ठाण्यात तक्रार नोंदवली.

गुन्ह्याचे गांभिर्य लक्षात घेवून त्वरीत खार पोलिसांच्या गुन्हे प्रकटीकरण कक्षाने गुन्ह्याचा तपास सुरु केला.पोलिसांनी घटनास्थळ परिसरातील सरकारी तसेच खाजगी 60 हून अधिक सिसिटीव्ही कॉमेरे तपासल्यानंतर संशयीत व्यक्तीच्या हालचाली आढळून आल्या. त्यात संशयित इसमाचा चेहरा स्पष्ट झाला, तो बांद्रा पोलीस ठाणेचे अभिलेखावरील आरोपी साहिल जमिल कुरेशी असल्याचे गुन्हे प्रकटीकरण पथकातील पो. ना निकम यांनी त्यास ओळखले.

आरोपी जात असलेल्सा मार्गावरील कॅमेरे चेक करून तो राहत असलेल्या पत्त्यावर पोलीस पोहोचले. मात्र तो मिळुन आला नाही- त्यावेळी पोलीस पथकाने तो येणे जाण्याचा मार्ग असलेले खार स्टेशन येथे सतत ४८ तास त्याचे येणेच्या वेळेस वाट खार पोलीसांनी तांत्रिक बाबींच्या आधारे तसेच पारंपारीक पध्दतीने अत्यंत कौशल्यपूर्ण तपास करत आरोपीस अटक केली.तपासात आरोपी हा आंतरराज्यीय सराईत गुन्हेगार असुन महाराष्ट्र, गुजरात येथे जबरी चोरी,गाडीची काच फोडुन वस्तू चोरी करण्याच्या पध्दतीचे एकुण २४ गुन्हे दाखल असल्याची माहिती पोलिसांनी दिली.