इंपिरिकल डेटा संदर्भात केंद्र सरकारला बाजू मांडण्याचे सुप्रीम कोर्टाचे आदेश

रश्मी पुराणिक

मुंबई : ओबीसी वर्गाचे राजकीय आरक्षण (obc political reservation) पूर्ववत करण्यासाठी इंपिरिकल डेटा (Imperial Data) आवश्यक आहे. त्यासाठी केंद्र शासनाकडे (Central Government) असलेली ओबीसींची सामाजिक व आर्थिक जनगणनेची माहिती राज्य शासनास (Maharashtra Government) उपलब्ध करून द्यावी यासाठी आज राज्य शासनाच्या वतीने सर्वोच्च न्यायालयात याचिका दाखल करण्यात आली होती. (Supreme Court orders Central Government to side with Imperial Data)

हे देखील पहा -

या याचिकेवर आज सुनावणी पार पडली असून यात केंद्र सरकारला आपली बाजू मांडण्याचे आदेश सुप्रीम कोर्टाने दिले असल्याची माहिती राज्याचे अन्न नागरी पुरवठा व ग्राहक संरक्षण मंत्री छगन भुजबळ (Chhagan Bhujbal) यांनी दिली आहे. राज्य सरकारच्या वतीने जेष्ठ विधिज्ञ कपिल सिब्बल (kapil sibbal) यांनी बाजू मांडली.

कायदेशीर बाबींच्या पुर्ततेअभावी स्थगित झालेल्या ओबीसी समाजाच्या राजकीय आरक्षणाला पूर्ववत करण्यासाठी राज्य सरकार चहू बाजूने प्रयत्न करत आहे. आरक्षण पूर्ववत करण्यासाठी अत्यंत गरजेचा असलेला इंपिरिकल डाटा हा केंद्राने द्यावा यासाठी राज्य सरकारने सुप्रीम कोर्टात याचिका दाखल केली त्यावर आज सुनावणी पार पडली. दि. २४ ऑगस्टला या याचिकेवर पुढील सुनावणी होणार आहे आहे. तोपर्यंत इंपिरिकल डाटा संदर्भात केंद्र सरकारला बाजू मांडण्याचे सुप्रीम कोर्टाने आदेश दिले आहे.

Edited By - Akshay Baisane