ऊसाचं गाळप होणार, शेतकऱ्यांंनी टोकाची भूमिका घेऊ नये; अजित पवारांचं आवाहन

रश्मी पुराणिक -

मुंबई : शेतकऱ्यांनी घाबरु नये, सर्व ऊस गाळप करण्यासाठी नेणार असून, त्यासाठी यंत्रणा कामाला लावली असल्याची माहिती उपमुख्यमंत्री अजित पवार यांनी आज पत्रकार परिषदेत दिली. यावेळी उपमुख्यमंत्री म्हणाले, ऊसाचं काय होणार याची चिंता आहे, मे महिन्यात रिकवरी लॉस दिला आहे. तरी बीडमध्ये (Beed) दुःखद घटना घडली, शेतकऱ्याने आत्महत्या केली. मात्र शेतकऱ्यांच्या पाठीशी राज्य सरकार आहे. ऊस संपवायला युद्ध पातळीवर प्रयत्न सुरू केले आहेत तरी शेतकऱ्यांनी टोकाची भूमिका घेऊ नये असं आवाहन अजित पवारांनी केलं.

यावेळी त्यांनी ओबीसी आरक्षणावरती (OBC Reservation) देखील भाष्य केलं. सुप्रीम कोर्टाने स्थानिक स्वराज्य संस्था निवडणुकांचा कार्यक्रम घोषित करा असं सांगितलं आहे. सुप्रीम कोर्ट जो निर्णय देईल तो मान्य करावा लागेल. असही ते यावेळी म्हणाले. तसंच राजद्रोह कलम सुप्रीम कोर्टाने सांगितल कलम वापरू नये. संविधानात ज्या काही यंत्रणा अधिकार दिले आहेत. सुप्रीम कोर्टाने दिलेल्या आदेशाचे पालन होईल असं त्यांनी राणा यांच्या कारवाईबाबत भाष्य केलं.

दरम्यान, उत्तर प्रदेश (Uttar Pradesh) सरकार मुंबईत कार्यालय काढणार यावर बोलताना पवार म्हणाले, कोणी कुठे कार्यालय काढायचं हा त्यांचा अधिकार आहे. दिल्लीत सर्व राज्यांचे सदन आहेत, महाराष्ट्रात तर भारतातून अनेक जण येतात. आम्हाला वाटल तर आम्ही पण उत्तर प्रदेश मध्ये कार्यालय काढू. भारतात कोणाला कुठेही कार्यालय काढता येतात यातून वेगळ्या प्रकारचं प्रचार प्रसार करू नये असं ते म्हणाले.

Edited By - Jagdish Patil