'महिलांना वाईन चालेल का? हे मी रुपाली चाकणकरांच्या घरात जाऊन विचारणार आहे'

सुशांत सावंत -

मुंबई : भाजप प्रदेशाध्यक्ष चंद्रकांत पाटील यांनी आज घेतलेल्या पत्रकार पत्रकार परिषद अनेक राजकीय विषयांवर भाष्य केलं, तसंच त्यांनी यावेळी विरोधकांच्या टीकेला उत्तर देखील दिली आहेत.

राज्यात सध्या मोठ्या प्रमाणात गाजत असलेला आणि विरोध होत असलेला राज्य सरकारचा निर्णय म्हणजे किराणा दुकानात आणि मॉल मधील वाईन विक्रिचा आणि याच निर्णयाला महिला विरोध करत नाहीत असं वक्तव्य राज्य महिला आयोगाच्या अध्यक्षा रुपाली चाकणकर (State Women's Commission Chairperson Rupali Chakankar ) यांनी केलं होतं आणि त्यांच्या याच वक्तव्यावरुन चंद्रकांत पाटलांनी चाकणकरांना टोला लगावला आहे.

महिलांना वाईन चालणार आहे का?

पाटील म्हणाले, रुपाली चाकणकरांचे घराणे हे सुसंस्कृत आहे. मी आता त्यांच्या घरात जाऊन विचारतो की महिलांना वाईन चालणार आहे का? रुपालीताईंनी हा शोध लावला की महिलांनी वाईनला विरोध केला नाही, तुम्ही एका पक्षाच्या पदाधिकारी आहात, तुम्ही एका सुसंस्कृत घरातील आहेत त्यामुळे तुम्ही वाईनला विरोध करा असही पाटील (Chandrakant Patil) यावेळी म्हणाले आहेत.

दरम्यान त्यांनी यावेळी संजय राऊतांवरतीही टीका केली 'मी संजय राऊत यांना फार सिरीयस घेत नाही. तसंच राऊतांना आरोप सहन न झाल्याने त्यांनी सोमय्यांवरती हल्ला केला मग पत्रकार परिषदेतून टीका केली. शिवाय घरात घुसू देणार नाही, नागपुरात फिरू देणार नाही, असं ते म्हणतात याचा अर्थ राज्यात टोळीचे सरकार चाललंय काय?' असा सवालही चंद्रकांत पाटील यांनी उपस्थित केला.

Edited By - Jagdish Patil