Shivsena Leader on BJP: 'आम्हाला भाजपकडून सापत्न वागणूक मिळत आहे', शिंदे गटातील वरिष्ठ नेत्याचं मोठं वक्तव्य

निवृत्ती बाबर

Mumbai News:  भाजप आणि शिवसेनेते मतभेत निर्माण झाले आहेत का? असा प्रश्न निर्माण झाला आहे. कारण शिवसेनेच्या शिंदे गटाचे वरिष्ठ नेते आणि खासदार गजाजन किर्तीकर यांनी मुख्यमंत्री एकनाथ शिंदेंसोबच्या बैठकीत भाजपची तक्रार केली आहे.

एकनाथ शिंदे यांच्यासोबत आम्ही शिवसेनेत आलो आहोत. आम्ही आता एनडीएचे घटक आहोत. त्यामुळे आमची देखील कामं झाली पाहिजेत. मात्र घटक पक्षाला सापत्न वागणूक मिळत असल्याचं मोठं वक्तव्य गजाजन किर्तीकर यांनी केलं आहे.

दोन दिवसापूर्वी शिंदे गटातील खासदारांची मुख्यमंत्री एकनाथ शिंदे यांच्या शासकीय निवासस्थानी बैठक पार पडली. यावर खासदारांनी आपले प्रश्न मुख्यमंत्री एकनाथ शिंदे यांच्यासमोर मांडले. आम्हाला अधिक निधी आणि समान वागणूक मिळाली पाहिजे, अशी मागणी गजानन किर्तीकर यांनी केली. (Latest News Update)

ज्यावेळी सत्तासंघर्ष झाला त्यावेळी आम्ही 13 खासदार एकनाथ शिंदे यांच्यासोबत आलो आहोत. याठिकाणी भाजप आणि आम्ही एकत्र मिळून आमचं सरकार आहे. त्यामुळे आता आम्ही NDA चा भाग आहोत. (Political News)

अगोदर महाविकास आघाडीमध्ये असल्याने एनडीएचा भाग नव्हतो. मग आता आमची कामं झाली पाहिजे. मात्र येथे आम्हाला सापत्न वागणूक मिळते, अशी नाराजी गजानन कीर्तिकर यांनी दर्शवली.