आपल्याला सत्याच्या बाजूने राहायचं आहे, सत्तेच्या नव्हे; आदित्य ठाकरेंचा नव्या कार्यकर्त्यांना सल्ला

मुंबई : आपल्याला सत्याच्या बाजूने राहायचं आहे, सत्तेच्या नव्हे असं वक्तव्य माजी पर्यावरण मंत्री आदित्य ठाकरे (Aditya Thackeray) यांनी केलं आहे. आज कांदिवली, बोरिवलीमधील कार्यकर्त्यांनी युवा सेनेत केला प्रवेश केला यावेळी त्यांना मार्गदर्शन करताना बोलत होते.

राज्यात सत्तांतर झाल्यापासून काही शिवसैनिक (Shivsainik) शिंदे गटात जात आहेत. तर काही ठाकरेंच्या शिवसेनेत जात आहेत. अशातच आज कांदिवली, बोरिवलीमधील कार्यकर्त्यांनी मातोश्रीवरती आदित्य ठाकरे यांच्या उपस्थितीत शिवसेनेत (Shivsena) प्रवेश केला.

यावेळी आदित्य ठाकरे यांनी कार्यकर्त्यांशी संवाद साधताना शिंदे सरकारवर निशाणा साधला. हे सरकार तात्पुरत असून हे सरकार पडणार असल्याचं ते यावेळी म्हणाले. यावेळी बोलताना आदित्य ठाकरे म्हणावे, 'मला ताप आला आहे. त्यामुळे मी अधिक बोलत नाही. राज्यात लोकांनी निवडलेले सरकार राहिलेले नाही. राज्यात दोन लोकांचे जंबो सरकार आहे.

कधी माईक खेचला जात आहे तर कधी चिठ्ठी दिली जाते. राज्यात पूरपरिस्थिती आहे पण त्याकडे कोणाचे लक्ष नाही. शिवाय हे सरकार तात्पुरतं असून हे सरकार पडणार असल्याचं ते म्हणाले. राज्याचा विकास थांबला आहे घाणेरडे राजकारण सुरू आहे. खांद्याला खांदा लावून आपल्याला लढायचे आहे. आपण जिंकणार हे निश्चित असल्याचंही आदित्य यावेळी म्हणाले.

दरम्यान, तसंच ही लढाई राज्याची किंवा केवळ शिवसेनेची नाही. तर ही लढाई देशाची आहे. येणारा निकाल २० ते ३० वर्षांसाठी लागू होणार आहे. शिवाय न्यायालयाच्या निकलानंतर इतर राज्यात स्थिरता की अस्थिरता हे समजणार आहे. आपल्याला सत्याच्या बाजूने राहायचं आहे सत्तेच्या बाजूने नव्हे असं आदित्य म्हणाले.

Edited By - Jagdish Patil