कसं काय शेलार बरं हाय का ? शेलारांविरोधात शिवसेनेची आक्रमक बॅनरबाजी

मुंबई - महापौर किशोरी पेडणेकर यांच्या बद्दल अवमान करणारं आक्षेपार्ह वक्तव्य भाजप नेते आणि आमदार आशिष शेलार यांनी केलं होतं. त्या आक्षेपार्ह वक्तव्यावरून शिवसेना विरुद्ध भाजप असा वाद सध्या सुरू आहे. त्यातच आता शिवसेनेनं आक्रमकपणे आशिष शेलार यांची खिल्ली उडवणारं बॅनर थेट मुंबईत नरीमन पॉइंट येथील भाजप प्रदेश कार्यालया समोरच लावलं आहे . या बॅनरवर आशिष शेलार यांना तमाशातील नाच्याच्या भूमीकेत दाखवण्यात आलं आहे. त्याखाली आशिष शेलार यांची खिल्ली उडवणारी टिकाही करण्यात आली आहे.

हे देखील पहा -

अशा प्रकारे उडवली खिल्ली

'कसं काय शेलार बरं हाय का ?

काल काय एैकलं ते खरं हाय का ?

काल म्हणं तूम्ही, किशोरी ताईंचा अपमान केला,

तमाशातल्या नाच्या सारखा शिमगा केला ?

दरम्यान, किशोरी पेडणेकर यांच्याविषयी वादग्रस्त वक्तव्य केल्याप्रकरणी आशिष शेलार यांच्याविरोधात मरीन ड्राईव्ह पोलीस ठाण्यात गुन्हा दाखल करण्यात आला होता. स्वत: किशोरी पेडणेकर यांनी मरीन ड्राईव्ह पोलीस ठाण्यात तक्रार केली. त्यानंतर मुंबई पोलिसांनी आशिष शेलार यांच्या विरोधात गुन्हा दाखल केला.

Edited By - Shivani Tichkule