Vaishnavi Hagawane: हगवणे बंधूंचे पाय आणखी खोलात, खोटा पत्ता दिल्यामुळे गुन्हा दाखल

अक्षय बडवे, पुणे प्रतिनिधी

Vaishnavi Hagawane News : शशांक हागवणे व सुशील हगवणे यांच्यावर गुन्हे दाखल करण्यात आले आहेत. चुकीचे पत्ते देऊन शस्त्र परवाना मिळवल्याबद्दल शशांक हगवणे आणि सुशील हगवणे यांच्या विरोधात कोथरूड पोलीस ठाण्यात तर वारजे पोलीस ठाण्यात निलेश चव्हाण विरोधात गुन्हा दाखल करण्यात आला आहे.

मिळालेल्या माहितीनुसार, शशांक हगवणे याने १७ ऑक्टोबर २०२२ मध्ये पुणे पोलिस आयुक्तालयात स्वसंरक्षणार्थ शस्त्र परवाना मिळण्याबाबत अर्ज केला होता. हा अर्ज करताना शशांक ने त्याचा रहिवासी पत्ता पुण्यागील कर्वेनगर येथील असल्याचे दाखला दिला. शशांक याचा मूळ पत्ता मुळशी तालुक्यातील भूकुम या ठिकाणचा असताना सुद्धा आपण पुणे शहरातील कर्वेनगर मध्ये गेल्या १० वर्षांपासून राहत असल्याची माहिती दिली. शस्त्र परवाना मिळवण्यासाठी पोलिसांना खोटी माहिती दिल्याप्रकरणी आता त्याच्या विरोधात गुन्हा दाखल करण्यात आला आहे.

शशांक याच्यावर भारतीय न्याय संहिता चे कलम १७७, १९१, १९२, १९३, ४१७, ४२० सह शस्त्र अधिनियम १९५९ चे कलम ३० व शस्त्र नियम २०१६ चे कलम ११(८) प्रमाणे गुन्हा दाखल करण्यात आला आहे. शशांक याचा भाऊ सुशील याच्यावर सुद्धा शस्त्र मिळवण्यासाठी कोथरूड येथे राहत असल्याची माहिती पुणे पोलिसांना दिल्या प्रकरणी गुन्हा दाखल करण्यात आला आहे.