'या' मंदिरात नारळ फुटल्याशिवाय शरद पवारांच्या निवडणूक प्रचाराला सुरुवात हाेत नाही

बारामती : राष्ट्रवादी काॅंग्रेसचे (ncp) नेते शरद पवार (sharad pawar) हे नास्तिक असल्याची टीका मनसेचे (mns) अध्यक्ष राज ठाकरे (raj thackeray) यांनी नुकतीच ठाणे येथे केली हाेती. त्यावर मी खरंच नास्तिक आहे का याची चौकशी करा असे शरद पवार यांनी आज म्हटलं. (sharad pawar latest marathi news)

शरद पवार यांनी आज आयाेजिलेल्या पत्रकार परिषदेत राज ठाकरेंच्या टीकेस गांभीर्याने घेत नाही असं म्हटलं. याबराेबरच मी खरंच नास्तिक आहे का याची चौकशी करा असेही त्यांनी नमूद केले. दरम्यान शरद पवार आणि त्यांच्या कुटुंबीयांची वर्षानुवर्षे बारामती तालुक्यातील कन्हेरी येथील मारुतीवर श्रद्धा असल्याचं दिसून येते.

शरद पवार हे कन्हेरीच्या मारुती मंदिरातूनच त्यांच्या प्रत्येक निवडणुकीचा प्रारंभ करतात. या मंदिरात नारळ फुटल्याशिवाय त्यांच्या प्रचाराचा शुभारंभ हाेत नाही असे वर्षानुवर्ष आम्ही पाहिल्याचे ग्रामस्थ सांगतात. दरम्यान केवळ निवडणुकीपुरतं पवार कुटुंब या मंदिरात येतं असं नाही तर वेळ मिळेल तेव्हा पवार कुटुंबीय याच मंदिरात येतात असेही ग्रामस्थांनी सांगितले.

Edited By : Siddharth Latkar