Pune Crime News : गुंड शरद मोहोळ हत्या प्रकरणात आणखी २ आरोपींना अटक; आरोपींची संख्या १० वर

अक्षय बडवे

Pune News :

पुण्यातील कुख्यात गुंड शरद मोहोळ हत्या प्रकणात पोलिसांनी आणखी दोन जणांना अटक केली आहे. आरोपींना पिस्तूल पुरवणाऱ्या दोघांना पुणे पोलिसांच्या गुन्हे शाखेने अटक केली आहे. त्यामुळे शरद मोहोळ हत्या प्रकरणात अटक करण्यात आलेल्या आरोपींची संख्या आता १० वर पोहोचली आहे. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पोलिसांनी अटक केलेल्या दोन्ही आरोपींनी खून करण्यासाठी वापरण्यात आलेले पिस्तूल आरोपींना पुरवले असल्याची माहिती आहे. धनंजय मारुती वटकर आणि सतीश संजय शेडगे अशी अटक करण्यात आलेल्या दोघांची नावे आहे. (Crime News)

गुंड शरद मोहोळचा ५ जानेवारी रोजी भरदिवसा सुतारदरा येथील घरासमोर खून करण्यात आला होता. त्याच्यासोबत असलेल्या साहिल उर्फ मुन्ना पोळेकर व त्याच्या इतर साथीदारांनी गोळ्या झाडून त्याची हत्या केली होती. पूर्ववैमन्यासातून ही हत्या झाल्याचं पोलिसांच्या तपासात उघड झालं आहे.

हत्येचं कारण काय?

मिळालेल्या माहितीनुसार, आरोपी मुन्ना पोळेकरचे शरद मोहोळसोबत मोठे वाद झाले होते. जमिनीवरून आणि आर्थिक गोष्टीवरून दोघांमध्ये वाद झाले होते. साहिल पोळेकरला मामाच्या अपमानाचा बदला घ्यायचा होता. मामावर झालेल्या अन्यायाचा बदला घेण्यासाठी साहिलने हे पाऊल उचलल्याचं पोलीस तपासातून समोर आलं आहे.

आरोपींची नावे

याप्रकरणी आत्तापर्यंत आठ आरोपींना अटक करण्यात आलीये. साहिल ऊर्फ मुन्ना पोळेकर, विठ्ठल गडले, अमित उर्फ अमर कानगुडे, चंद्रकांत शेळके, विनायक गाव्हणकर, धनंजय वटकर, सतीश शेडगे दोन अॅड. रवींद्र पवार आणि संजय उडान अशी या आरोपींची नावं आहेत.