Shahapur Crime News : विवाहितेची गाेळी घालून हत्या, भावाच्या तक्रारीनंतर सासरच्या चार जणांवर गुन्हा दाखल

- फय्याज शेख

Shahapur Crime News : विवाहितेची सासरच्या मंडळींनी छऱ्याच्या बंदूकीने गोळी घालून हत्या केली घटना शहापूर तालुक्यात घडली. या घटनेनंतर पाेलीसांनी विवाहितेच्या भावाच्या तक्रारीनंतर चार जणांवर खूनाचा गुन्हा दाखल केला आहे. (Maharashtra News)

शहापूर तालुक्यातील अजनुप ग्रामपंचायत हद्दीतील बोंडरपाडा येथील रंजना शिवा भवर (वय 27) यांचा रात्री 12 च्या सुमारास हत्या झाली. या घटनेची माहिती मिळताच खर्डी पोलिस ठाण्यातील अधिकारी व कर्मचा-यांनी घटनास्थळी धाव घेतली.

त्यानंतर शवविच्छेदनासाठी शहापूर उपजिल्हा रुग्णालयातून जे.जे. रूग्णालयात रंजना यांचा मृतदेह पाठवण्यात आला. सासरच्या मंडळींनी छऱ्याच्या बूदूकीने गोळ्या घालून बहिणीची हत्या केल्याची तक्रार रंजना यांच्या भावाने पाेलिसांत केली.

त्यानूसार पाेलिसांनी रंजना यांच्या सासरच्या चार जणांवर शहापूर पोलिस ठाण्यात खूनाचा गुन्हा दाखल केला. अधिक तपास खर्डी पोलिस करीत आहेत.

Edited By : Siddharth Latkar