भरत मोहोळकर, साम टीव्ही, प्रतिनिधी
आनंद दिघेंच्या आयुष्यावरील धर्मवीर 2 चा ग्रँड प्रिमीयर शो पाहिल्यानंतर आपण धर्मवीर 3 ची पटकथा लिहीणार असल्याचं वक्तव्य उपमुख्यमंत्री देवेंद्र फडणवीसांनी केलं.
त्यानंतर धर्मवीरवरून वादाचा नवा अंक सुरु झाला. तर भाजपच्या मदतीने आनंद दिघेंना बाळासाहेब ठाकरेंच्या वर नेण्याचा प्रयत्न सुरु असल्याचा गंभीर आरोप संजय राऊतांनी केलाय. तर राऊतांनी 'मी नाही त्यातली कडी लाव आतली' नावाचा चित्रपट काढावा, असा टोला भाजप आमदार नितेश राणे यांनी लगावला आहे.
धर्मवीर सिनेमातून आनंद दिघेंच्या आयुष्यासोबत एकनाथ शिंदेंच्या आयुष्यावर प्रकाश टाकण्यात आला होता. मात्र धर्मवीर 2 मध्ये नेमकं काय आहे? हे जाणून घेण्याची अनेकांना उत्सुकता आहे.
एकनाथ शिंदेंच्या बंडाचं कारण 'धर्मवीर'मधून स्पष्ट होईल. ठाकरे हिंदुत्वाला तिलांजली देत असल्याची मांडणीही चित्रपटात पाहायला मिळू शकतं. आनंद दिघेंच्या विचाराचा संदर्भ देत बंडाचं समर्थन केल्याचं पाहायला मिळू शकतं. आनंद दिघेंच्या कडवट हिंदुत्ववादी विचारांची मांडणीही या चित्रपाटात पाहायला मिळू शकते.
आगामी विधानसभा निवडणुकीपूर्वी धर्मवीर 2 प्रदर्शित करण्यात आल्याने या सिनेमाची जोरदार चर्चा रंगलीय. ठाकरेंकडे हिंदुहृदयसम्राट बाळासाहेब ठाकरेंचा वारसा आहे. त्याला आक्रमक प्रत्युत्तर देण्यासाठी शिंदेंकडून निवडणुकीत धर्मवीर आनंद दिघेंच्या प्रतिमेचा वापर केला जाण्याची चर्चा रंगलीय. मात्र ही रणनीती किती यशस्वी ठरणार? यावरून विधानसभेचं दार ठाकरेंसाठी उघडणार की शिंदेंसाठी हे स्पष्ट होणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.