Dahisar Accident: रिक्षाला आयशरची जोरदार धडक, चिमुकल्या बहीण-भावाचा मृत्यू

मुंबई: मुंबईच्या दहिसरमध्ये एका आयशर गाडी आणि रिक्षाच्या धडकेत बहीण-भावाचा दुर्दैवी मृत्यू झाला आहे. आयशर गाडी चालकाने रिक्षाला जोरदार धडक दिल्याने हा अपघात झालाय. त्यानंतर गाडी चालकाने घटनास्थळावरुन पळ काढला. दहिसर पोलीस या चालकाचा शोध घेत आहेत (Rikshaw And Eicher Vehicle Accident 2 Siblings Died In Dahisar).

दहिसर (Dahisar) परिसरात गुरुवारी दुपारी अडीच वाजताच्या सुमारास प्रवेंद्रकुमार गुप्ता हे पत्नी आणि दोन मुलांसह रिक्षातून दहिसर हायवेने जात होते. यावेळी भरधाव वेगाने येणाऱ्या आयशर गाडीने या रिक्षाला जोरदार धडक (Accident) दिली. ही धडक इतकी जबर होती की यामध्ये प्रवेंद्रकुमार गुप्ता यांच्या दोन्ही मुलांना जबर मार लागला. त्यांना तात्काळ उपचारासाठी कांदिवलीच्या शताब्दी रुग्णालयात दाखल करण्यात आलं. मात्र तिथे त्यांचा उपचारादरम्यान मृत्यू (Accidental Death) झाला.

या अपघातात प्रवेंद्रकुमार गुप्ता यांचा 6 वर्षांचा मुलगा आकाश आणि 9 वर्षांची मुलगी आशिकाचा मृत्यू झालाय. तर, आरोपी आयशार चालकाने घटनास्थळावरुन पळ काढला असून या प्रकरणी दहिसर पोलीस ठाण्यात गुन्हा (FIR) दाखल करण्यात आला आहे. पोलीस सध्या आरोपीचा शोध घेत आहेत.

Edited By - Nupur Uppal